മുൻ മുഖ്യമന്ത്രി വി. എസ്. അച്യുതാനന്ദനെ അപമാനിച്ച ഫെയ്‌സ്ബുക്ക് പോസ്റ്റ്; തലശേരി സ്വദേശിയ്ക്കെതിരെ പൊലീസ് കേസെടുത്തു
മറഞ്ഞുവീണ മുൻ മുഖ്യമന്ത്രി വി എസ് അച്യുതാനന്ദനെ അധിക്ഷേപിച്ച ഫെയ്‌സ്ബുക്ക് പോസ്റ്റുമായി ബന്ധപ്പെട്ട് താമരശ്ശേരി സ്വദേശി ആബിദ് അടിവാരത്തിനെതിരെ താമരശ്ശേരി പൊലീസ് കേസ് രജിസ്റ്റർ ചെയ്തു. ഡിവൈഎഫ്ഐ പ്രവർത്തകനും അഭിഭാഷകനുമായ പി.പി. സന്ദീപ് നൽകിയ പരാതിയിലാണ് നടപടി.
മലേഷ്യയിൽ നിന്നാണ് ആബിദ് തന്റെ ഫെയ്‌സ്ബുക്ക് പേജിൽ വിദ്വേഷ പോസ്റ്റ് ഇട്ടത്. വി എസ് അച്യുതാനന്ദനെ ഇസ്ലാമ്മതവിരോധിയായി ചിത്രീകരിക്കുന്ന രീതിയിലായിരുന്നു പോസ്റ്റ്. സോഷ്യൽ മീഡിയയിൽ വലിയ പ്രതികരണങ്ങൾക്കിടയാക്കിയ പോസ്റ്റ്, പ്രതിഷേധങ്ങൾ ഉയർന്നതോടെ ആബിദ് പോസ്റ്റ് പിൻവലിച്ചെങ്കിലും സ്ക്രീൻഷോട്ടുകൾ സാമൂഹ്യ മാധ്യമങ്ങളിൽ വ്യാപകമായി പ്രചരിച്ചിരുന്നു.
അതേസമയം, കാസർഗോഡ് ജില്ലയിൽ രണ്ട് പേരെ കൂടി പൊലീസ് കേസെടുത്തു. കുമ്പള സ്വദേശി അബ്ദുള്ള കുഞ്ഞിയും ബേക്കൽ പള്ളിക്കര സ്വദേശി ഫൈസലുമാണ് പ്രതികൾ.
കൊച്ചി ഏലൂരിൽ ഒരു കോൺഗ്രസ് പ്രവർത്തകയ്ക്കെതിരെയും കേസെടുത്തിട്ടുണ്ട്. വി എസ് അച്യുതാനന്ദൻ ഉമ്മൻ ചാണ്ടിയെയും കുടുംബത്തെയും ദ്രോഹിച്ചതായി ആരോപിച്ച് കോൺഗ്രസ് പ്രവർത്തകർ പോസ്റ്റ് ചെയ്തിരുന്നു. അതിൽ അധിക്ഷേപപരമായ പരാമർശങ്ങളുണ്ടായിരുന്നുവെന്ന് പൊലീസ് പറഞ്ഞു.
ജാതിയാധിഷ്ഠിത അധിക്ഷേപവുമായി ബന്ധപ്പെട്ട് എറണാകുളം റൂറൽ സൈബർ പൊലീസ് അന്വേഷണം ആരംഭിച്ചു. അബ്ദുൽ റഹീം എന്ന പേരിൽ ഫെയ്‌സ്ബുക്കിൽ പ്രചരിച്ച മറ്റൊരു പോസ്റ്റും അന്വേഷണ വിധേയമാണ്.
Tag:Facebook post insulting former Chief Minister V. S. Achuthanandan; Police register case against Thalassery native
