ഫഹദ് ഫാസിൽ വടിവേലു കൂട്ടുകെട്ടിലൊരുങ്ങിയ ‘മാരീസന്‍’ ഓടിടിയിലേക്ക്
മാമന്നന് ശേഷം ഫഹദ് ഫാസിലും വടിവേലുവും ഒന്നിച്ച ചിത്രമായ ‘മാരീസന്‍’ ഒടിടി റിലീസിന് ഒരുങ്ങുന്നു .മലയാളിയായ സുധീഷ് ശങ്കര്‍ സംവിധാനം ചെയ്ത ചിത്രം മികച്ച പ്രേക്ഷക പ്രശംസ നേടിയെങ്കിലും ബോക്സോഫീസില്‍ കളക്ഷന്‍ നേടാന്‍ മാരീസനായില്ല. വേലായുധം പിള്ളൈ എന്ന കഥാപാത്രമായി ചിത്രത്തില്‍ വടിവേലു എത്തിയപ്പോള്‍ ദയ എന്ന കള്ളന്റെ വേഷത്തിലാണ് ഫഹദ് ചിത്രത്തിലെത്തിയത്. ജൂലൈ 25നാണ് ചിത്രം തിയറ്ററുകളിലെത്തിയത്. മാരീസന്റെ കഥയും തിരക്കഥയും സംഭാഷണവും ക്രിയേറ്റീവ് ഡയറക്ടറും വി കൃഷ്ണമൂര്‍ത്തി തന്നെയാണ്. ഓഗസ്റ്റ് 22ന് ചിത്രം നെറ്റ്ഫ്ലിക്സില്‍ സ്ട്രീമിങ് ആരംഭിക്കും. തമിഴ്, ഹിന്ദി, തെലുങ്ക്, കന്നഡ, മലയാളം എന്നീ ഭാഷകളിലും ചിത്രം കാണാം കോവൈ സരള, വിവേക് പ്രസന്ന, സിതാര, പിഎല്‍ തേനപ്പന്‍, ലിവിംഗ്സ്റ്റണ്‍, റെണുക, ശരവണ സുബ്ബയ്യ, കൃഷ്ണ, ഹരിത, ടെലിഫോണ്‍ രാജ് തുടങ്ങിയവരും ചിത്രത്തില്‍ പ്രധാന വേഷങ്ങള്‍ ചെയ്തിട്ടുണ്ട്.
