പതിമൂന്നുകാരിയായ മകളെ പീഡിപ്പിച്ച് ഗർഭിണിയാക്കിയ കേസിൽ പിതാവ് അറസ്റ്റിൽ

മകളെ ലൈംഗികമായി പീഡിപ്പിച്ച് ഗർഭിണിയാക്കിയ കേസിൽ പിതാവ് പൊലീസ് പിടിയിലായി. കാസർകോട് ജില്ലയിലെ ഹോസ്ദുർഗ് പൊലീസ് സ്റ്റേഷൻ പരിധിയിലാണ് സംഭവം നടന്നത്. 45- കാരനായ പിതാവിനെ പെൺകുട്ടിയുടെ മൊഴിയുടെ അടിസ്ഥാനത്തിലാണ് അറസ്റ്റ് ചെയ്തത്.

13 വയസ്സുകാരി നടുവേദന അനുഭവപ്പെട്ടതിനെ തുടർന്ന് ചികിത്സയ്ക്കായി ആശുപത്രിയിൽ എത്തിയപ്പോൾ ഗർഭിണിയാണെന്ന് മെഡിക്കൽ പരിശോധനയിൽ വെളിപ്പെട്ടു. വിവരം പൊലീസിനെ അറിയിച്ചതിനെ തുടർന്ന് പെൺകുട്ടി നൽകിയ മൊഴിയിൽ തന്നെ പീഡിപ്പിച്ചത് പിതാവാണെന്ന് വ്യക്തമാക്കി. മാസങ്ങൾക്ക് മുമ്പ് തന്നെ പീഡനം ആരംഭിച്ചതായും പിന്നീട് ഭീഷണിപ്പെടുത്തി മൗനം പാലിപ്പിച്ചതായും പെൺകുട്ടി മൊഴിയിൽ പറഞ്ഞു.

Tag: Father arrested for raping and impregnating his 13-year-old daughter