ആറ് വയസ്സുകാരിയായ മകളെ ബലാത്സംഗം ചെയ്തതിനെത്തുടർന്ന് പിതാവ് സ്വവർഗ പങ്കാളിയുടെ ലൈംഗികാവയവം മുറിച്ചുമാറ്റി

ഉത്തർപ്രദേശിലെ ദിയോറിയ ജില്ലയിൽ ആറ് വയസ്സുകാരിയായ മകളെ ബലാത്സംഗം ചെയ്തതിനെത്തുടർന്ന് പിതാവ് സ്വവർഗ പങ്കാളിയുടെ ലൈംഗികാവയവം മുറിച്ചുമാറ്റി. കൃത്യം നടത്തിയതിന് മണിക്കൂറുകൾക്ക് ശേഷം ഇയാൾ ജീവനൊടുക്കുകയും ചെയ്തു.

പ്രാദേശിക ഓർക്കസ്ട്ര സംഘത്തിലെ കലാകാരനായ 32-കാരനാണ് ഭാര്യയിൽനിന്ന് അകന്ന് താമസിച്ചിരുന്നത്. വേർപിരിഞ്ഞ ശേഷം ഇയാൾ റാംബാബു യാദവ് എന്ന 35-കാരനായ സുഹൃത്തിനൊപ്പം ഒരു ചെറിയ മുറി വാടകയ്ക്ക് എടുത്ത് താമസം തുടങ്ങിയിരുന്നു. ഇരുവരും തമ്മിൽ അടുത്ത ബന്ധം വളർന്നുവെന്ന് പോലീസ് പറഞ്ഞു.

അച്ഛനെ കാണാൻ മുറിയിലെത്തിയ ആറ് വയസ്സുകാരിയെ യാദവ് ബലാത്സംഗം ചെയ്തുവെന്നാണ് ആരോപണം. ഈ വിവരം അറിഞ്ഞ പിതാവ് യാദവിനെ ചോദ്യം ചെയ്യുകയും മർദിക്കുകയും ചെയ്തു. തുടർന്ന് പങ്കാളിയുടെ സ്വകാര്യ ഭാഗങ്ങൾ മുറിച്ചുമാറ്റുകയായിരുന്നു. ഗുരുതരമായി പരിക്കേറ്റ യാദവിനെ ആദ്യം ദിയോറിയ മെഡിക്കൽ കോളേജിലും പിന്നീട് വിദഗ്ദ്ധ ചികിത്സയ്ക്കായി ഗോരഖ്പൂരിലെ ആശുപത്രിയിലേക്കും മാറ്റി. ഇയാൾ പോലീസ് നിരീക്ഷണത്തിലാണ്.

യാദവിനെതിരെ പോക്സോ നിയമപ്രകാരം കേസെടുത്തിട്ടുണ്ട്. സംഭവം നടന്ന് ദിവസങ്ങൾക്ക് ശേഷം, പിതാവിനെ വെള്ളിയാഴ്ച പുലർച്ചെ മുറിയിൽ മരിച്ച നിലയിൽ കണ്ടെത്തുകയായിരുന്നു. കൂടുതൽ അന്വേഷണം നടന്നുവരികയാണ്. കുട്ടിയെ അമ്മയുടെ മാതാപിതാക്കളുടെ വീട്ടിലേക്ക് മാറ്റിയിട്ടുണ്ടെന്നും വൈദ്യസഹായവും കൗൺസിലിംഗും നൽകുന്നുണ്ടെന്നും പോലീസ് അറിയിച്ചു. സംഭവസ്ഥലത്തുനിന്ന് തെളിവുകൾ ശേഖരിക്കുകയും കുട്ടിയുടെ വൈദ്യപരിശോധന പൂർത്തിയാക്കുകയും ചെയ്തിട്ടുണ്ട്.

Tag: Father cuts off same-sex partner’s penis after he raped his six-year-old daughter