ആലപ്പുഴയിൽ പ്രായപൂർത്തിയാകാത്ത സഹോദരിമാരെ പീഡനത്തിനിരയാക്കിയ കേസിൽ മാതാപിതാക്കളുടെ സുഹൃത്തുക്കൾ പിടിയിൽ
ഭീഷണിപ്പെടുത്തിയും, സൗഹൃദം നടിച്ചും മാതാപിതാക്കളുടെ സുഹൃത്തുക്കൾ പീഡനത്തിനിരയാക്കിയത്.
ആലപ്പുഴ : പ്രായപൂർത്തിയാകാത്ത സഹോദരിമാരെ പീഡനത്തിനിരയാക്കിയ കേസിൽ മാതാപിതാക്കളുടെ സുഹൃത്തുക്കൾ പിടിയിൽ. ഹോസ്റ്റലിൽ താമസിച്ച് പഠിക്കുന്ന ആലപ്പുഴ വെണ്മണി സ്വദേശികളായ സഹോദരിമാരെയാണ് ഭീഷണിപ്പെടുത്തിയും, സൗഹൃദം നടിച്ചും മാതാപിതാക്കളുടെ സുഹൃത്തുക്കൾ പീഡനത്തിനിരയാക്കിയത്.
പോക്സോ കേസിൽ മുളക്കുഴ മുറിയിൽ ദീപു സദനം വീട്ടിൽ ദീപുമോൻ (35), വെൺമണി ഏറം മുറിയിൽ ശുഭ നിവാസിൽ എം.ആർ മനോജ് (49) എന്നിവരാണ് അറസ്റ്റിലായത്. വെൺമണി പൊലീസ് സ്റ്റേഷൻ ഇൻസ്പക്ടർ എസ്.എച്ച്.ഒ അഭിലാഷ് എം.സിയുടെ നേതൃത്വത്തിലുള്ള സംഘമാണ് പ്രതിയെ കുടുക്കിയത്.
സബ് ഇൻസ്പക്ടർ സുഭാഷ് ബാബു.കെ, അസി. സബ്ബ് ഇൻസ്പക്ടർ ബിജു, സീനിയർ സിവിൽ പൊലീസ് ഓഫീസർ ഗോപകൂമാർ.ജി, സിവിൽ പൊലീസ് ഓഫീസർമാരായ ആകാശ് ജി കൃഷ്ണൻ, ശ്യാംകുമാർ ബി എന്നിവർ ചേർന്നാണ് പ്രതികളെ പിടികൂടിയത്. ഇരുവരെയും കോടതിയിൽ ഹാജരാക്കി റിമാൻഡ് ചെയ്തു.
