ഫുട്ബോൾ ഇതിഹാസം ലയണൽ മെസ്സി ഡിസംബറിൽ ഇന്ത്യയിലെത്തുന്നു. ‘GOAT Tour of India 2025’ എന്ന പരിപാടിയുടെ ഭാഗമായി മൂന്ന് നഗരങ്ങളാണ് മെസ്സി സന്ദർശിക്കുക. ഡിസംബർ 12-ന് അദ്ദേഹം കൊൽക്കത്തയിൽ എത്തും. ഡിസംബർ 15-ന് പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തുമെന്ന് പരിപാടിയുടെ പ്രമോട്ടർ സതാദ്രു ദത്ത അറിയിച്ചു.
അഹമ്മദാബാദ്, മുംബൈ, ന്യൂഡൽഹി എന്നീ നഗരങ്ങളിലാണ് മെസ്സിയുടെ സന്ദർശന പരിപാടികൾ നടക്കുക. ഇത് ഇന്ത്യയിലേക്കുള്ള മെസ്സിയുടെ രണ്ടാം വരവാണ്. 2011 സെപ്റ്റംബറിൽ വെനസ്വേലയെതിരെ കൊൽക്കത്തയിലെ സാൾട്ട്ലേ സ്റ്റേഡിയത്തിൽ സൗഹൃദ മത്സരം കളിക്കാൻ അദ്ദേഹം ഇന്ത്യയിലെത്തിയിരുന്നു.
ഡിസംബറിൽ എത്തുന്ന മെസ്സി ഇന്ത്യൻ ക്രിക്കറ്റ് താരങ്ങളോടൊപ്പം ഒരു ക്രിക്കറ്റ് മത്സരത്തിൽ പങ്കെടുക്കുമെന്ന റിപ്പോർട്ടുകളും നേരത്തെ വന്നിരുന്നു. ഏഴ് കളിക്കാർ വീതമുള്ള രണ്ട് ടീമുകളായിരിക്കും മത്സരങ്ങൾ നടക്കുക എന്നാണ് അധികൃതരുടെ തീരുമാനം. എങ്കിലും മത്സരം നടത്തുന്നതിനെക്കുറിച്ചുള്ള അന്തിമ തീരുമാനവും മത്സരക്രമവും ഇനിയും പ്രഖ്യാപിക്കാനുണ്ട്.
Tag: ‘GOAT Tour of India 2025’: Lionel Messi’s visit to India approved
