ഫയർ ഫോഴ്‌സ് മേധാവി യോഗേഷ് ഗുപ്തയ്ക്കെതിരെ സർക്കാർ രഹസ്യ അന്വേഷണം ആരംഭിച്ചു

ഫയർ ഫോഴ്‌സ് മേധാവി യോഗേഷ് ഗുപ്തയ്ക്കെതിരെ സർക്കാർ അന്വേഷണം ആരംഭിച്ചു. ആഭ്യന്തരവകുപ്പ് നേതൃത്വത്തിൽ നടക്കുന്ന അന്വേഷണം, വിജിലൻസ് മേധാവിയായിരിക്കെ അനുമതിയില്ലാതെ അന്വേഷണം ഉത്തരവുകൾ പുറപ്പെടുവിച്ചെന്ന പരാതിയിലാണ്.

ഒരു അഭിഭാഷകൻ നൽകിയ പരാതിയുടെ അടിസ്ഥാനത്തിലാണ് രഹസ്യ അന്വേഷണം നടക്കുന്നത്. സർക്കാരിന് അനഭിമതനായ യോഗേഷ് ഗുപ്തയെ ഇതിനുമുമ്പ് വിജിലൻസിൻ്റെ ചുമതലയിൽ നിന്ന് മാറ്റിയിരുന്നു. ഡിജിപി റാങ്ക് ഓഫീസറായിട്ടും, പല തവണ അപേക്ഷ നൽകിയിട്ടും വിജിലൻസ് ക്ലിയറൻസ് സർട്ടിഫിക്കറ്റ് അദ്ദേഹത്തിന് ലഭിച്ചിട്ടില്ല.

Tag: Government launches secret investigation against Fire Force Chief Yogesh Gupta