മന്ത്രിമാരുടെയും എം.എൽ.എമാരുടെയും ശമ്പളം വർധിപ്പിക്കാൻ സർക്കാർ

മന്ത്രിമാരുടെയും എം.എൽ.എമാരുടെയും ശമ്പളം വർധിപ്പിക്കാൻ സർക്കാർ സജീവ നീക്കത്തിലാണ്. വിഷയം മന്ത്രിസഭാ യോഗത്തിന്റെ അജണ്ടയിൽ ഉൾപ്പെടുത്തിയിട്ടുണ്ട്. കഴിഞ്ഞ മന്ത്രിസഭാ യോഗത്തിൽ വിഷയം പരിഗണിച്ചിരുന്നെങ്കിലും ചർച്ച ചെയ്യാതെ മാറ്റിവച്ചിരുന്നു.

ശമ്പള വർധനവിനായി ഭരണ-പ്രതിപക്ഷ കക്ഷികൾക്കും യോജിപ്പുണ്ടെന്നതാണ് പ്രത്യേകത. നാട്ടിക എം.എൽ.എ സി.സി. മുകുന്ദന്റെ സാമ്പത്തിക ബുദ്ധിമുട്ടാണ് ശമ്പളം കൂട്ടണമെന്ന ആവശ്യം ശക്തമാക്കാൻ കാരണമായത്.

കാലാനുസൃതമായ വേതനപരിഷ്‌കരണം വേണമെന്ന നിലപാടിലാണ് ഭരണ-പ്രതിപക്ഷ ഏകാഭിപ്രായം. സംസ്ഥാനത്ത് ഒടുവിൽ 2018-ലാണ് മന്ത്രിമാരുടെയും എം.എൽ.എമാരുടെയും ശമ്പളം കൂട്ടിയത്. ഇപ്പോഴത്തെ നിലയിൽ മന്ത്രിമാർക്ക് അലവൻസ് ഉൾപ്പെടെ 97,000 രൂപയും എം.എൽ.എമാർക്ക് 70,000 രൂപയും ലഭിക്കുന്നു.

Tag: Government to increase salaries of ministers and MLAs