ക്രിപ്‌റ്റോ കറൻസിയും പൂ കയറ്റുമതിയും മറയാക്കി ഹവാല ഇടപാട്; 330 കോടി രൂപയുടെ കള്ളപ്പണം കേരളത്തിലേക്ക്
ക്രിപ്‌റ്റോ കറൻസിയുടെ മറവിൽ നടന്ന ഹവാല ഇടപാടിലൂടെ കേരളത്തിലേക്ക് 330 കോടി രൂപയുടെ കള്ളപ്പണം എത്തിച്ചതായി ഇൻകം ടാക്‌സ് വകുപ്പിന്റെ അന്വേഷണം വ്യക്തമാക്കുന്നു. ഇന്തോനേഷ്യയിലേക്ക് പൂ കയറ്റുമതിയുടെ പേരിലാണ് ഈ ഹവാല ഇടപാട് നടന്നത്.
മലപ്പുറം സ്വദേശി മുഹമ്മദ് അലിയെ ചോദ്യം ചെയ്യലിന് ഹാജരാകാൻ ഇൻകം ടാക്‌സ് നോട്ടീസ് നൽകി. കേസിൽ സൗദിയിൽ ജോലി ചെയ്യുന്ന റാഷിദ് എന്നയാളോടും അന്വേഷണം ശക്തമാക്കിയിരിക്കുകയാണ്. അന്വേഷണ സംഘം കണ്ടെത്തിയതനുസരിച്ച്, 500-ൽ അധികം മ്യൂൾ അക്കൗണ്ടുകളും, 300-ഓളം ക്രിപ്‌റ്റോ വാലറ്റുകളും പണം കടത്താൻ ഉപയോഗിച്ചിട്ടുണ്ട്. കോഴിക്കോട്, മലപ്പുറം ജില്ലകളിലാണ് പ്രധാനമായും ഹവാല പണത്തിന്റെ വിതരണം നടന്നത്.
ഇന്തോനേഷ്യയിലൂടെയായിരുന്നു പ്രധാനമായും പണം കൈമാറിയത്. ഹവാല ഇടപാട് ക്രിപ്‌റ്റോ ഇടപാടുകൾ മുഖേന മറച്ചുവെക്കാനായിരുന്നു ശ്രമം എന്ന് ഇൻകം ടാക്‌സ് ഉദ്യോഗസ്ഥർ വ്യക്തമാക്കുന്നു. കേസിൽ കൂടുതൽ അന്വേഷണങ്ങൾ തുടരുന്നു.
Tag: Hawala transaction disguised as cryptocurrency and flower exports; Rs 330 crore black money sent to Kerala
