നടനും തൃണമൂല്‍ യുവ നേതാവുമായ ഹിരന്‍ ചാറ്റര്‍ജി ബി.ജെ.പിയില്‍
കൊല്‍ക്കത്ത: തെരഞ്ഞെടുപ്പിന് മുമ്പ്‌ തൃണമൂല്‍ കോണ്‍ഗ്രസിന് വീണ്ടും തിരിച്ചടി. നടനും തൃണമൂല്‍ കോണ്‍ഗ്രസ് യുവജന വിഭാഗം നേതാവുമായ ഹിരണ്‍ ചാറ്റര്‍ജി പാര്‍ട്ടിവിട്ട് ബി.ജെ.പിയില്‍ ചേര്‍ന്നു.
വ്യാഴാഴ്ച ബംഗാളില്‍ കേന്ദ്ര ആഭ്യന്തര മന്ത്രി അമിത് ഷായുടെ റാലിക്കിടെ ഹിരണ്‍ ചാറ്റര്‍ജി ബി.ജെ.പി അംഗത്വമെടുക്കുകയായിരുന്നു. രണ്ടുദിവസത്തെ തെരഞ്ഞെടുപ്പ് സന്ദര്‍ശനത്തിനാണ് അമിത് ഷാ ബംഗാളിലെത്തിയത്. ബി.ജെ.പി സംസ്ഥാന പ്രസിഡന്‍റ് ദിലീപ് ഘോഷും ചടങ്ങില്‍ പങ്കെടുത്തു.
ബംഗാളി നടനായ യഷ് ദാസ്ഗുപ്ത ബി.ജെ.പിയില്‍ ചേര്‍ന്നതിന് പിന്നാലെയാണ് ഹിരണ്‍ ചാറ്റര്‍ജിയുടെ ബി.ജെ.പിയുടെ പ്രവേശനം. തൃണമൂല്‍ വിടുന്നകാര്യം ഹിരണ്‍ ചാറ്റര്‍ജി േനരത്തേ വ്യക്തമാക്കിയിരുന്നു. എനിക്ക് ബഹുമാനം ലഭിക്കുന്നിടത്തേക്ക് താന്‍ പോകാന്‍ ആഗ്രഹിക്കുന്നുവെന്നായിരുന്നു നടന്‍റെ പ്രതികരണം.
ഏപ്രില്‍ -മെയ് മാസങ്ങളിലാണ് ബംഗാളില്‍ നിയമസഭ തെരഞ്ഞെടുപ്പ്. തെരഞ്ഞെടുപ്പിന് മുമ്ബായി നിരവധി നോതാക്കളാണ് തൃണമൂല്‍ വിട്ട് ബി.ജെ.പിയിലെത്തിയത്.
