“ഞാൻ ഒറ്റ തന്തയ്ക്കാണ് പിറന്നത്, അതിനാൽ വാക്ക് മാറ്റാറില്ല, എയിംസ് ആലപ്പുഴയിൽ വേണമെന്നാണ് ഞാൻ പറഞ്ഞത്”; സുരേഷ് ​ഗോപി

എയിംസ് തൃശൂരിൽ വരുമെന്ന് താൻ ഒരിക്കലും പറഞ്ഞിട്ടില്ലെന്ന് കേന്ദ്രമന്ത്രി സുരേഷ് ഗോപി വ്യക്തമാക്കി. തൃശൂരിന്റെ സമഗ്ര വികസന ലക്ഷ്യത്തോടെ ആരംഭിച്ച ‘എസ്‌ജി കോഫി ടൈംസ്’ എന്ന പുതിയ ചര്‍ച്ചാ പരമ്പരയിൽ സംസാരിക്കുകയായിരുന്നു അദ്ദേഹം.

“എയിംസ് ആലപ്പുഴയിൽ വേണമെന്നാണ് ഞാൻ പറഞ്ഞത്. കാരണം, കമ്മ്യൂണിസം കൊണ്ട് പിന്നോട്ടുപോയ ആലപ്പുഴയെ കരകയറ്റേണ്ടത് അത്യാവശ്യമാണ്,” എന്ന് സുരേഷ് ഗോപി വ്യക്തമാക്കി. ഇതിൽ രാഷ്ട്രീയമോ പ്രാദേശികതയോ കാണേണ്ടതില്ലെന്നും, “ആലപ്പുഴയിൽ എയിംസ് വരാൻ തൃശൂരുകാർ തന്നെ പ്രാർത്ഥിക്കണം” എന്നും അദ്ദേഹം കൂട്ടിച്ചേർത്തു.

തൃശൂർ എംപിയായതിന് മുൻപ് തന്നെ ആലപ്പുഴയിൽ എയിംസ് വേണമെന്ന ആവശ്യം ഉന്നയിച്ചതായും, “ഞാൻ ഒറ്റ തന്തയ്ക്കാണ് പിറന്നത്, അതിനാൽ വാക്ക് മാറ്റാറില്ല” എന്നും സുരേഷ് ഗോപി വ്യക്തമാക്കി.

അதேപോലെ, തൃശൂരിലേക്ക് മെട്രോ റെയിൽ സർവീസ് വരുമെന്ന് താൻ പറഞ്ഞിട്ടില്ലെന്നും അദ്ദേഹം വ്യക്തമാക്കി. “അങ്കമാലിവരെ മെട്രോ എത്തിച്ചശേഷം, അവിടെ നിന്ന് പാലിയേക്കര വഴി കോയമ്പത്തൂരിലേക്കും മറ്റൊരു ശാഖയായി നാട്ടിക–തൃപ്രയാർ–ഗുരുവായൂർ വഴി താനൂരിലേക്കും വിപുലീകരിക്കണം എന്നതാണ് ഞാൻ പറഞ്ഞത്,” എന്നും അദ്ദേഹം വ്യക്തമാക്കി.

കോൺഗ്രസിന്റെ മുതിർന്ന നേതാവും മുൻ സ്പീക്കറുമായ തേറമ്പിൽ രാമകൃഷ്ണനെ വീട്ടിലെത്തി കണ്ടതിന് ശേഷം ആണ് സുരേഷ് ഗോപി തന്റെ ‘കോഫി വിത്ത് എസ്‌ജി’ പരിപാടി ആരംഭിച്ചത്.

Tag: I was born to an only child, so I don’t go back on my word, I said I want AIIMS in Alappuzha Suresh Gopi