”രാജ്യത്തിന്റെ താത്പര്യങ്ങള്‍ക്കാണ് ഇന്ത്യ മുന്‍ഗണന നല്‍കുന്നത്”; ട്രംപിന് മറുപടിയുമായി പ്രധാനമന്ത്രി നരേന്ദ്രമോദി
ഇന്ത്യന്‍ ഉത്പന്നങ്ങള്‍ക്കെതിരെ 50 ശതമാനം തീരുവ പ്രഖ്യാപിച്ച അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന് പ്രധാനമന്ത്രി നരേന്ദ്ര മോദി പരോക്ഷമായി മറുപടി നല്‍കി. രാജ്യത്തിന്റെ താത്പര്യങ്ങള്‍ക്കാണ് ഇന്ത്യ മുന്‍ഗണന നല്‍കുന്നതെന്നും, കര്‍ഷകരുടെയും മത്സ്യത്തൊഴിലാളികളുടെയും അവകാശങ്ങളും സംരക്ഷിക്കുന്നതിന് ഇന്ത്യ ഒരിക്കലും വിട്ടുവീഴ്ച ചെയ്യില്ലെന്നും പ്രധാനമന്ത്രി വ്യക്തമാക്കി. അതിന് വലിയ വില കൊടുക്കേണ്ടിവന്നാലും തയാറാണ് ഇന്ത്യ എന്നും മോദി കൂട്ടിച്ചേർത്തു.
ഡല്‍ഹിയില്‍ നടന്ന എം.എസ്. സ്വാമിനാഥന്‍ ശതാബ്ദി അന്താരാഷ്ട്ര സമ്മേളനത്തില്‍ സംസാരിക്കവെയായിരുന്നു പ്രധാനമന്ത്രിയുടെ പരാമര്‍ശങ്ങള്‍.
“കര്‍ഷകരും കന്നുകാലി വളര്‍ത്തുന്നവര്‍ക്കും മത്സ്യത്തൊഴിലാളികള്‍ക്കും ഇന്ത്യ എപ്പോഴും പിന്തുണയായിരിക്കും. അവരുടെ താത്പര്യങ്ങള്‍ക്കുവേണ്ടി എന്ത് വില കൊടുക്കാനും ഞാനും രാജ്യവും തയ്യാറാണ്,” എന്ന് പ്രധാനമന്ത്രി വ്യക്തമാക്കി.
യുക്രൈന്‍ യുദ്ധം പൂന്തൊട്ട റഷ്യയെ സാമ്പത്തികമായി സഹായിക്കുന്നുവെന്നാരോപിച്ച്, റഷ്യയിൽനിന്ന് എണ്ണ വാങ്ങുന്നതിന്‍റെ പേരിലാണ് ട്രംപ് ഇന്ത്യക്കെതിരെ ആദ്യമായി 25 ശതമാനത്തെ പകരച്ചുങ്കം പ്രഖ്യാപിച്ചത്. ഓഗസ്റ്റ് ഒന്നിന് പ്രഖ്യാപിച്ച ഈ പകരച്ചുങ്കത്തിനു പിന്നാലെ, ബുധനാഴ്ച ഇന്ത്യക്ക് എതിരെ 25 ശതമാനം അധിക തീരുവ കൂടി ട്രംപ് ഒപ്പുവെച്ചതോടെ മൊത്തം തീരുവ 50 ശതമാനമായി.
പകരച്ചുങ്കം വ്യാഴാഴ്ച പ്രാബല്യത്തിൽ വന്നതിനിടെ, അധിക തീരുവ ഓഗസ്റ്റ് 27നാണ് നിലവില്‍ വരുന്നത്. റഷ്യന്‍ എണ്ണവ്യാപാരവുമായി ബന്ധപ്പെട്ട് ചർച്ചയ്ക്കായി 21 ദിവസത്തെ സമയമാണ് അമേരിക്ക നൽകിയിരിക്കുന്നത്.
ട്രംപിന്റെ നടപടിയെ ശക്തമായി വിമര്‍ശിച്ച ഇന്ത്യ, രാജ്യത്തിന്റെ താത്പര്യം സംരക്ഷിക്കുന്നതിനായി എല്ലാ അനിവാര്യമായ നടപടി സ്വീകരിക്കുമെന്നും വ്യക്തമായി വ്യക്തമാക്കി.
Tag: India prioritizes national interests”: PM Narendra Modi responds to Trump
