കൊച്ചിയിലെ ലുലുമാളില്‍ തോക്കും വെടിയുണ്ടകളും; മധ്യവയസ്‌കനെ കേന്ദ്രീകരിച്ച്‌ അന്വേഷണം
തോക്കും വെടിയുണ്ടകളും കൊച്ചിയിലെ ലുലുമാളില്‍ നിന്ന് കണ്ടെത്തിയ സംഭവത്തില്‍ മധ്യവയസ്‌കനെ കേന്ദ്രീകരിച്ച്‌ അന്വേഷണം പുരോഗമിക്കുന്നു. മാളിലെ സിസി ടിവി ദൃശ്യങ്ങള്‍ കേന്ദ്രീകരിച്ചാണ് അന്വേഷണം പുരോഗമിക്കുന്നത്. ഫോറന്‍സിക് പരിശോധനയ്ക്ക് തോക്കും വെടിയുണ്ടകളും അയച്ചു.
തോക്കിനൊപ്പം ലഭിച്ച കത്തിലെ വിവരങ്ങളും പരിശോധിക്കുന്നുണ്ട്. മധ്യവയസ്‌കന്‍ സഞ്ചരിച്ച കാറിനെപ്പറ്റിയും പോലീസ് അന്വേഷിച്ച്‌ വരികയാണ്. കൊച്ചിയിലെ ലുലുമാളില്‍ നിന്നാണ് ഇന്നലെ ഇവ കണ്ടെത്തിയത്. ലുലുവിലെ ജീവനക്കാരന്‍ ആണ് ഇത് ആദ്യം കണ്ടത്. ഒരു പിസ്റ്റളും അഞ്ച് വെടിയുണ്ടകളുമാണ് കണ്ടെത്തിയത്.
ട്രോളി വൃത്തിയാക്കവെ ആണ് ഇത് കണ്ടനെത്തിയത്. ലുലു അധികൃതര്‍ ഉടന്‍ തന്നെ സംഭവം പോലീസിനെ അറിയിക്കുകയും ചെയ്തു. തോക്കും വെടിയുണ്ടകളും സാധനങ്ങള്‍ കൊണ്ടുപോകുന്ന ട്രോളിയില്‍ ഉപേക്ഷിച്ച നിലയിലായിരുന്നു.
