ഔഫ് വധക്കേസിൽ ഇര്‍ഷാദ് കുറ്റം സമ്മതിച്ചു, തു​ട​ര​ന്വേ​ഷ​ണം ക്രൈം​ബ്രാ​ഞ്ചി​ന് വിട്ടു.

കാ​സ​ർ​ഗോ​ഡ് /കാസർകോട് കല്ലൂരാവിയിലെ അബ്ദുറഹ്മാൻ ഔഫ് വധക്കേസിൽ കുറ്റം സമ്മതിച്ച് മുഖ്യപ്രതി ഇര്‍ഷാദ്. ഔഫിനെ കുത്തിയത് താനാണെന്ന് ഇർഷാദ് പൊലീസിന് മൊഴി നൽകി. കേസിലെ മുഴുവൻ പ്രതികളും പിടിയിലായി. ഡി​വൈ​എ​ഫ്ഐ പ്ര​വ​ർ​ത്ത​ക​ൻ അ​ബ്ദു​ൾ റ​ഹ്മാ​ന്‍റെ കൊ​ല​പാ​ത​കം യൂ​ത്ത് ലീ​ഗ് -ഡി​വൈ​എ​ഫ്ഐ സം​ഘ​ർ​ഷ​ത്തി​ന്‍റെ തു​ട​ർ​ച്ചെ​യെ​ന്ന് പോ​ലീ​സ് സ്ഥി​രീ​ക​രി​ച്ചു. തെ​ര​ഞ്ഞെ​ടു​പ്പ് ഫ​ല​പ്ര​ഖ്യാ​പ​ന​ത്തെ തു​ട​ര്‍​ന്ന് പ്ര​ദേ​ശ​ത്ത് യൂ​ത്ത് ലീ​ഗ്- ഡി​വൈ​എ​ഫ്ഐ പ്ര​വ​ര്‍​ത്ത​ക​ര്‍ തമ്മിൽ ഏ​റ്റു​മു​ട്ടി​യി​രു​ന്നു. ഇ​തി​ന് തു​ട​ര്‍​ച്ച​യാ​യി​ട്ടാ​ണ് അ​ബ്ദു​ൾ റ​ഹ്മാ​ൻ കൊ​ല്ല​പ്പെ​ട്ട​തെ​ന്നും പോ​ലീ​സ് പ​റ​ഞ്ഞു.
അതേസമയം കേ​സി​ന്‍റെ തു​ട​ര​ന്വേ​ഷ​ണം ക്രൈം​ബ്രാ​ഞ്ചി​ന് വി​ട്ട​താ​യും പോ​ലീ​സ് അ​റി​യി​ച്ചു. കൊ​ല​പാ​ത​ക​ത്തി​ലെ എ​ല്ലാ പ്ര​തി​ക​ളെ​യും പോ​ലീ​സ് പി​ടി​കൂ​ടി. യൂ​ത്ത് ലീ​ഗ് പ്ര​വ​ർ​ത്ത​ക​രാ​യ ഇ​ർ​ഷാ​ദ്, ഹ​സ​ൻ, ആ​ഷി​ർ എ​ന്നി​വ​രാ​ണ് പി​ടി​യി​ലാ​യ​ത്. ബു​ധ​നാ​ഴ്ച രാ​ത്രി 10.30-ഓ​ടെ​യാ​ണ് ക​ല്ലൂ​രാ​വി മു​ണ്ട​ത്തോ​ട് വെ​ച്ചാ​ണ് ഡി​വൈ​എ​ഫ്‌​ഐ​പ്ര​വ​ര്‍​ത്ത​ക​നാ​യ അ​ബ്ദു​ള്‍ റ​ഹ്മാ​ന് കു​ത്തേ​ല്‍​ക്കു​ന്ന​ത്. ബൈ​ക്കി​ല്‍ പോ​കു​ക​യാ​യി​രു​ന്ന അ​ബ്ദു​റ​ഹ്മാ​നെ​യും സു​ഹൃ​ത്ത് ഷു​ഹൈ​ബി​നെ​യും യൂ​ത്ത് ലീ​ഗ് പ്ര​വ​ര്‍​ത്ത​ക​രാ​യ ഇ​ര്‍​ഷാ​ദും സം​ഘ​വും ആ​ക്ര​മി​ക്കു​ക​യാ​യി​രു​ന്നു.