വിദ്യാർത്ഥികൾ പലസ്തീനിനായി ഐക്യദാർഢ്യം പ്രകടിപ്പിച്ച് അവതരിപ്പിച്ച മൈം ഷോയ്ക്കിടെ കർട്ടൻ താഴ്ത്തി അധ്യാപകൻ

കാസർകോട് കുമ്പള ഗവ. ഹയർ സെക്കൻഡറി സ്കൂളിൽ വിദ്യാർത്ഥികൾ പലസ്തീനിനായി ഐക്യദാർഢ്യം പ്രകടിപ്പിച്ച് അവതരിപ്പിച്ച മൈം ഷോ വിവാദമായി. പരിപാടി നടക്കുന്നതിനിടെ അധ്യാപകൻ കർട്ടൻ താഴ്ത്തി മൈം അവസാനിപ്പിച്ചു. ഇതിന്റെ ദൃശ്യങ്ങൾ റിപ്പോർട്ടർക്ക് ലഭിച്ചിട്ടുണ്ട്.

മൈം പലസ്തീൻ ഐക്യദാർഢ്യവുമായി ബന്ധപ്പെട്ടതായിരുന്നു. ഒരു കുഞ്ഞ് കൊല്ലപ്പെടുന്നതും പിന്നീട് ആ കുഞ്ഞിനെ സ്റ്റേജിന്റെ മുന്നിലേക്ക് കൊണ്ടുവരുന്നതുമാണ് അവതരിപ്പിച്ചത് എന്ന് വിദ്യാർത്ഥികൾ പറഞ്ഞു. സംഭവത്തെ തുടർന്ന് ഇന്ന് നടത്താനിരുന്ന സ്കൂൾ കലോത്സവം മാറ്റിവെച്ചതായും അവർ വ്യക്തമാക്കി.

മൈം നിർത്തിവെച്ച നടപടിക്കെതിരെ പ്രതിഷേധവുമായി എം.എസ്.എഫ് രംഗത്തെത്തി. സംഘടന സ്കൂളിലേക്ക് മാർച്ച് നടത്തി പ്രതിഷേധം രേഖപ്പെടുത്തി.

Tag: Teacher pulls down curtain during students mime show in solidarity with Palestine