കേരളത്തിൽ നവംബർ മുതൽ തീവ്ര വോട്ടർപട്ടിക പരിഷ്കരണം ആരംഭിക്കും

കേരളത്തിൽ തീവ്ര വോട്ടർപട്ടിക പരിഷ്കരണ (SIR) പ്രവർത്തനം നവംബർ മുതൽ ആരംഭിക്കുമെന്ന് റിപ്പോർട്ടുകൾ സൂചിപ്പിക്കുന്നു. കേരളത്തോടൊപ്പം തമിഴ്നാട്യും പുതുച്ചേരിയും ഉൾപ്പെടെ എസ്ഐആർ പ്രക്രിയ ഒരേസമയം ആരംഭിക്കും.

2026-ൽ നിയമസഭാ തെരഞ്ഞെടുപ്പ് നടക്കുന്ന സംസ്ഥാനങ്ങളിലാണ് ആദ്യം എസ്ഐആർ നടപ്പാക്കുന്നത്, എന്നതായിരുന്നു മുൻപ് കേന്ദ്ര തെരഞ്ഞെടുപ്പ് കമ്മീഷൻ വ്യക്തമാക്കിയിരുന്നത്. പട്ടിക പരിഷ്കരണത്തിനായുള്ള വിശദമായ ഷെഡ്യൂൾ ഉടൻ പ്രസിദ്ധീകരിക്കപ്പെടും, അടുത്ത ദിവസങ്ങളിൽ സമയക്രമവും പ്രഖ്യാപിക്കാനാണ് സാധ്യത.

കേരളത്തിൽ അവസാനമായി തീവ്ര വോട്ടർപട്ടിക പരിഷ്കരണം നടന്നത് 2002-ലാണ്. ആ വർഷത്തെ വോട്ടർപട്ടികയെ അടിസ്ഥാന രേഖയായി സ്വീകരിച്ചാണ് പുതിയ പരിഷ്കരണം നടപ്പാക്കുന്നത്.

എതിർപ്പുകൾക്കിടയിലും കേന്ദ്ര തെരഞ്ഞെടുപ്പ് കമ്മീഷൻ എസ്ഐആറിനായി മുന്നോട്ട് പോകുന്നു. ബീഹാർ മാതൃകയിലുള്ള എസ്ഐആർ നടപ്പാക്കുന്നതിനെ കേരളം നേരത്തെ എതിർത്തിരുന്നു. രാഷ്ട്രീയ പാർട്ടികളുടെ വിയോജിപ്പ് ചൂണ്ടിക്കാട്ടി മുഖ്യ തെരഞ്ഞെടുപ്പ് ഉദ്യോഗസ്ഥൻ രത്തൻ ഖേൽക്കർ കമ്മീഷന് കത്ത് നൽകിയതും, അതിനെ തുടർന്ന് നിയമസഭയും എതിര്‍ പ്രമേയം പാസാക്കിയതുമാണ്.

എങ്കിലും, കഴിഞ്ഞ ദിവസം ദില്ലിയിൽ നടന്ന സംസ്ഥാന തെരഞ്ഞെടുപ്പ് ഉദ്യോഗസ്ഥരുടെ യോഗത്തിൽ എസ്ഐആറിനുള്ള തയ്യാറെടുപ്പുകൾ സംബന്ധിച്ച് വിശദമായ ചർച്ച നടന്നു. ഏതെങ്കിലും സംസ്ഥാനത്തെ ഒഴിവാക്കുമെന്ന സൂചന കമ്മീഷന്റെ വാർത്താകുറിപ്പിൽ ഉൾപ്പെട്ടിരുന്നില്ല. എല്ലായിടത്തും തയ്യാറെടുപ്പുകൾ ഉടൻ പൂർത്തിയാക്കാൻ കമ്മീഷൻ നിർദ്ദേശം നൽകിയതായി റിപ്പോർട്ട് പറയുന്നു.

Tag: Kerala to start radical voter list revision from November