”സിന്ധു നദി ഇന്ത്യയുടെ സ്വത്തല്ല, അണക്കെട്ട് നിർമ്മിച്ചാൽ തകർക്കും”; കരസേനാ മേധാവി

ഇന്ത്യയ്‌ക്കെതിരെ ആണവായുധ ഭീഷണി മുഴക്കിയിരിക്കുകയാണ് പാകിസ്ഥാൻ കരസേനാ മേധാവി ഫീൽഡ് മാർഷൽ അസിം മുനീർ. സിന്ധു നദി ഇന്ത്യയുടെ സ്വത്തല്ലെന്നും, അതിൽ അണക്കെട്ട് നിർമ്മിച്ചാൽ പൂർത്തിയാകുന്ന ഉടൻ മിസൈൽ ആക്രമണം നടത്തി തകർക്കുമെന്നും അദ്ദേഹം മുന്നറിയിപ്പ് നൽകി. പാകിസ്ഥാൻ തകർന്നാൽ ലോകത്തിന്റെ പകുതിയും ഒപ്പം നശിക്കുമെന്നുമാണ് അദ്ദേഹത്തിന്റെ പ്രസ്താവന.

“പാകിസ്ഥാൻ ഒരു ആണവ രാഷ്ട്രമാണ്. രാജ്യത്തെ നിലംപൊത്താൻ ആരെങ്കിലും ശ്രമിച്ചാൽ ലോകത്തിന്റെ പകുതിയും സഹിതം നശിപ്പിക്കും. സിന്ധു നദി ഇന്ത്യക്കാരുടെ സ്വന്തം സ്വത്തല്ല. അണക്കെട്ട് നിർമാണം പൂർത്തിയാകുന്ന ഉടൻ അത് തകർക്കും,” എന്ന് അസിം മുനീർ വ്യക്തമാക്കി.
യുണൈറ്റഡ് സ്റ്റേറ്റ്സ് സെൻട്രൽ കമാൻഡിന്റെ സ്ഥാനമൊഴിയുന്ന കമാൻഡർ ജനറൽ മൈക്കിൾ കുറില്ലയുടെ വിരമിക്കൽ ചടങ്ങിൽ പങ്കെടുക്കാനാണ് അദ്ദേഹം യുഎസിൽ എത്തിയിരിക്കുന്നത്.

കാശ്മീർ ഇന്ത്യയുടെ ആഭ്യന്തര വിഷയം അല്ലെന്നും, അത് പാകിസ്ഥാൻ്റെ ജീവനായാണെന്നും അസിം മുനീർ പറഞ്ഞു. അന്താരാഷ്ട്ര തലത്തിൽ ഇന്ത്യ ഭീകരപ്രവർത്തനങ്ങളിൽ പങ്കാളിയാണെന്ന് തെളിയിക്കാൻ അദ്ദേഹം ശ്രമിക്കുകയും, കാനഡയിലെ ഖാലിസ്ഥാൻ നേതാവിന്റെ കൊലപാതകം, ഖത്തറിലെ എട്ട് ഇന്ത്യൻ നാവിക ഉദ്യോഗസ്ഥരുടെ അറസ്റ്റ്, കുൽഭൂഷൺ ജാദവ് കേസ് തുടങ്ങി നിരവധി വിഷയങ്ങൾ പരാമർശിക്കുകയും ചെയ്തു. മുനീറിന്റെ രണ്ടാമത്തെ അമേരിക്കൻ സന്ദർശനമാണിത്. യുഎസിലെ മുതിർന്ന രാഷ്ട്രീയ-സൈനിക നേതാക്കളെയും പാകിസ്ഥാൻ പ്രവാസി സമൂഹത്തിലെ അംഗങ്ങളെയും അദ്ദേഹം കണ്ടുമുട്ടി. പാകിസ്ഥാനിലെ ഭീകരകേന്ദ്രങ്ങൾ ഇന്ത്യ തകർത്ത “ഓപ്പറേഷൻ സന്ദൂർ” ന് പിന്നാലെയായിരുന്നു മുനീറിന്റെ ആദ്യ യുഎസ് സന്ദർശനം.

Tag: “Indus River is not India’s property, if a dam is built it will be destroyed”; Army Chief