Kerala NewsLatest News
മന്‍സൂര്‍ വധക്കേസ് പ്രതിയുടെ വാഹനങ്ങള്‍ കത്തിനശിച്ച നിലയില്‍; പിന്നില്‍ ലീഗെന്ന് സിപിഎം
കണ്ണൂര്‍: പാനൂര്‍ മന്‍സൂര്‍ വധക്കേസിലെ പ്രതി പിപി ജാബിറിന്റെ വീടിന് സമീപം നിര്‍ത്തിയിട്ട വാഹനങ്ങള്‍ കത്തിച്ചു. ജാബിറിന്റെ മുക്കില്‍ പീടിക, വള്ളുകണ്ടിയിലെ വീടിനു പിന്നിലെ ഷെഡില്‍ നിര്‍ത്തിയിട്ട വാഹനങ്ങളാണ് കത്തിച്ചത്. കാര്‍, രണ്ട് ടൂ വീലറുകള്‍ എന്നിവ പൂര്‍ണമായും കത്തിനശിച്ചു.
അര്‍ദ്ധ രാത്രി ഒന്നര മണിക്ക് ശേഷമാണ് സംഭവം . ചൊക്ലി പൊലീസും, ഫയര്‍ ഫോഴ്സും ചേര്‍ന്നാണ് തീ അണച്ചത്. സംഭവത്തിനു പിന്നില്‍ ലീഗ് പ്രവര്‍ത്തകരാണെന്ന് സി പി ഐ എം ആരോപിച്ചു. ജാബിറിനെ പിടികൂടാന്‍ ഇതുവരെ പൊലീസിന് സാധിച്ചിട്ടില്ല. ഇതില്‍ ലീഗ് നേരത്തെ പ്രതിഷേധിച്ചിരുന്നു. സി പി എം പെരിങ്ങളം ലോക്കല്‍ കമ്മിറ്റി അംഗമാണ് ജാബിര്‍.
