ന്യൂമാഹി കൊലക്കേസ്; കൊടി സുനി ഉള്‍പ്പെടെ 16 പ്രതികളെ കോടതി വെറുതെ വിട്ടു

ന്യൂമാഹിയിലെ ബൈക്ക് തടഞ്ഞുനിര്‍ത്തി ബോംബെറിഞ്ഞ് വെട്ടിക്കൊലപ്പെടുത്തിയ കേസില്‍ കൊടി സുനി ഉള്‍പ്പെടെ 16 പ്രതികളെ കോടതി വെറുതെ വിട്ടു. സിപിഐഎം പ്രവര്‍ത്തകരായ കൊടി സുനി, മുഹമ്മദ് ഷാഫി, ഷിനോജ് എന്നിവര്‍ അടക്കമുള്ള 16 പേരെയാണ് തലശ്ശേരി അഡീഷണല്‍ ജില്ലാ സെഷന്‍സ് കോടതി (മൂന്ന്) ജഡ്ജി റൂബി കെ. ജോസ് വെറുതെ വിടാന്‍ ഉത്തരവിട്ടത്.

2010 മെയ് 28-ന് രാവിലെ 11 മണിയോടെയായിരുന്നു സംഭവം. ന്യൂമാഹി പെരിങ്ങാടി റോഡിലെ കല്ലായില്‍ ബിജെപി–ആര്‍എസ്എസ് പ്രവര്‍ത്തകരായ വിജിത് (28)യും ഷിനോജ് (29)യും ബൈക്കില്‍ യാത്ര ചെയ്യുന്നതിനിടെ ബോംബെറിഞ്ഞ് വെട്ടിക്കൊലപ്പെടുത്തുകയായിരുന്നു. ഇരുവരും മാഹി കോടതിയില്‍ ഹാജരായി തിരിച്ചുവരുന്നതിനിടെ ആക്രമണം നടന്നു എന്നായിരുന്നു കേസിന്റെ ഉള്ളടക്കം.

Tag: New Mahi murder case; Court acquits 16 accused including Kodi Suni