ഒരു കുഞ്ഞും മൂന്ന് മാതാപിതാക്കളും

പാരമ്പര്യ രോ​ഗങ്ങളെ ചെറുത്തു തോൽപ്പിക്കാനുളള വെെദ്യശാസ്ത്രത്തിന്റെ ശ്രമങ്ങൾ തുടങ്ങിയിട്ട് നാളുകളേറെയായി. അതിലേറ്റവും പുതിയ ചടുവടുവെയ്പ്പാണ് മൂന്നുപേരുടെ ഡിഎൻഎയിൽ നിന്നുള്ള പ്രത്യൽപാദനം. മെെറ്റോകോൺഡ്രിയൽ രോ​ഗങ്ങളിൽ നിന്നുള്ള മോചനത്തിനായാണ് പ്രത്യുൽപാദന പ്രക്രിയയിൽ മൂന്നാമത്തെ വ്യക്തിയുടെ കൂടെ ഡിഎൻഎ സ്വീകരിക്കുന്നത്. ഈ രീതിയിൽ എട്ടു കുട്ടികൾ യുകെയിൽ ജനിച്ചതായുള്ള വാർത്തകൾ 2025 ജൂലെെയിലാണ് പുറത്തുവന്നത്.

മാതാവിൽ നിന്ന് കുട്ടികളിലേക്ക് കെെമാറ്റം ചെയ്യപ്പെടുന്ന രോ​ഗാവസ്ഥയായതിനാൽ മറ്റൊരു സ്ത്രീയുടെ അണ്ഡത്തിലെ ആരോ​ഗ്യകരമായ മെെറ്റോകോൺഡ്രിയയുടെ സഹായത്തോടെയാകും ഇവിടെ പ്രത്യുൽപാദനം നടക്കുക. മാതാവിന്റെയും ദാതാവിന്റെയും അണ്ഡങ്ങൾ പിതാവിന്റെ ബീജവുമായി ലാബിൽ വേവ്വേറെ ബീജസങ്കലനം നടത്തിയശേഷം ഇരുഭ്രൂണങ്ങളും വികസിക്കാനനുവദിക്കുന്നു. ദാതാവിന്റെ ആരോ​ഗ്യകരമായ മെെറ്റോകോൺ​​ഡ്രിയയുള്ള ഭ്രൂണത്തിലേക്ക് മാതാപിതാക്കളുടെ ഡിഎൻഎ മാറ്റിസ്ഥാപിക്കുന്നു. മൂന്നു വ്യക്തികളുൾപ്പെടുന്ന ഈ പ്രത്യുൽപാദന രീതിയിൽ ജനിക്കുന്ന കുട്ടികളുടെ ഡിഎൻഎ ഏറെകുറെ പൂർണമായും മാതാപിതാക്കൾക്ക് സമാനമായിരിക്കും. മാതാവിന്റെ ജനിതകത്തിൽ നിന്ന് 0.1 ശതമാനമാകും കുഞ്ഞിലുണ്ടാവുക. കോശശ്വസനത്തിലൂടെ ഊർജം ഉൽപാദിപ്പിക്കുന്ന കോശാം​ഗമാണ് മെെറ്റോകോ‍ൺ​ഡ്രിയ. മെെറ്റോകോൺ​ഗ്രിയയുടെ തകരാർ ഹൃദ​യമിടിപ്പിനായവശ്യമായ ഊർജം നൽകാതിരിക്കുകയും തലച്ചോറിന് കേടുപടുകൾ, അപസ്മാരം, കേടുപടുകൾ, അന്ധത, പേശിബലഹീനത, അവയവങ്ങളുടെ പ്രവർത്തനം നിലയ്ക്കൽ എന്നിവയ്ക്ക് കാരണമാവുകയും ചെയ്യും. ലോകത്തെ അയ്യായിരം കുഞ്ഞുങ്ങളിലൊരാൾ മെെറ്റോകോൺ​​ഡ്രിയൽ രോ​ഗങ്ങളുമായി ജനിക്കുന്നുവെന്നാണ് കണക്ക്.

Tag: One child and three parents