പെട്രോൾ, ഡീസൽ വില വീണ്ടും വർധിപ്പിച്ചു; മാർച്ച്​ നാലിന്​ ശേഷം ഇത്​ 12ാം തവണ

കൊച്ചി: കൊറോണ പ്രതിസന്ധി അതിരൂക്ഷമായി തുടരുന്നതിനിടെ രാജ്യത്ത് വീണ്ടും ഇന്ധനവില കൂട്ടി. പെട്രോൾ ലിറ്ററിന്​ 17 പൈസയും ഡീസലിന്​ 29 പൈസയുമാണ്​ വർധിപ്പിച്ചത്​. കൊച്ചിയിൽ പെട്രോൾ വില 93.31, ഡീസൽ 88.60 രൂപയായും വർധിച്ചു.

കോഴിക്കോട്​ പെട്രോൾ വില 93.62 രൂപയായും ഡീസൽ വില 88.91 രൂപയായും വർധിച്ചു. മാർച്ച്​ നാലിന്​ ശേഷം ഇത്​ 12ാം തവണയാണ്​ എണ്ണവില കൂട്ടുന്നത്​.

അന്താരാഷ്​ട്ര വിപണിയിൽ ഇന്ത്യ ഉപയോഗിക്കുന്ന ബ്രെൻറ്​ ക്രൂഡോയിലിൻറെ വില 0.79 ഡോളർ ഇടിഞ്ഞ്​ 65.39 ഡോളറിലെത്തി. 1.19 ശതമാനം ഇടിവാണ്​ രേഖപ്പെടുത്തിയത്​. തെരഞ്ഞെടുപ്പ്​ ഫലത്തിന്​ പിന്നാലെയാണ്​ രാജ്യത്ത്​ പെട്രോൾ-ഡീസൽ വില വർധിപ്പിച്ചത്​.