ചലച്ചിത്ര അക്കാദമി ചടങ്ങിൽ ക്ഷണം ലഭിച്ചില്ലെന്ന് പ്രേംകുമാർ

ചലച്ചിത്ര അക്കാദമിയിലെ പുതിയ ഭരണസമിതി ചുമതലയേറ്റ ചടങ്ങിൽ പങ്കെടുക്കാതിരുന്നതിനെക്കുറിച്ച് നടനും മുൻ അധ്യക്ഷനുമായ പ്രേംകുമാർ വിശദീകരണം നൽകി.

“ഔദ്യോഗികമായ ക്ഷണം ലഭിച്ചില്ല. അതുകൊണ്ടാണ് ചടങ്ങിൽ പങ്കെടുക്കാതിരുന്നത്,” എന്ന് പ്രേംകുമാർ വ്യക്തമാക്കി.
റസൂൽ പൂക്കുട്ടി ചെയർമാനായി ചുമതലയേറ്റ ചടങ്ങിൽ പങ്കെടുക്കാൻ തനിക്ക് ആഗ്രഹമുണ്ടായിരുന്നുവെന്നും, “മലയാള സിനിമയെ ലോകത്തിന് പരിചയപ്പെടുത്തിയ മഹാ പ്രതിഭയാണ് റസൂൽ,” എന്നും പ്രേംകുമാർ പറഞ്ഞു.

അദ്ദേഹം ചൂണ്ടിക്കാട്ടിയത്, “സർക്കാരാണ് തന്നെ നിയമിച്ചതും മാറ്റിയതും. അതിൽ എനിക്ക് വിരോധമില്ല. ഞാൻ ചുമതല ആത്മാർത്ഥതയോടെ നിർവഹിച്ചു.” രാഷ്ട്രീയ വിവാദങ്ങളോട് പ്രതികരിക്കാൻ താൽപ്പര്യമില്ലെന്നും, നിലമ്പൂർ ഉപതെരഞ്ഞെടുപ്പ് വിഷയത്തിൽ ഉയർന്ന ആരോപണങ്ങൾക്കൊന്നും മറുപടി പറയാനില്ലെന്നും പ്രേംകുമാർ കൂട്ടിച്ചേർത്തു.

Tag: Premkumar says he did not receive an invitation to the Chalachitra Academy function