ആർ.എസ്.എസ് ഗണഗീതം ആലപിച്ചതിന് മാപ്പ് പറഞ്ഞ് കർണാടക ഉപമുഖ്യമന്ത്രി ഡി. കെ. ശിവകുമാർ

ആർ.എസ്.എസ്. ഗണഗീതം ആലപിച്ചതിനെ തുടർന്ന് മാപ്പ് പറഞ്ഞ് കർണാടക ഉപമുഖ്യമന്ത്രി ഡി. കെ. ശിവകുമാർ. ആർ.എസ്.എസ്.-നെ മഹത്വവത്കരിക്കുകയോ പുകഴ്ത്തുകയോ ചെയ്യുക തന്നെയായിരുന്നില്ല ലക്ഷ്യമെന്ന് അദ്ദേഹം വ്യക്തമാക്കി. “ഞാൻ ജനിച്ചത് മുതൽ കോൺഗ്രസുകാരനാണ്, കോൺഗ്രസുകാരനായി തന്നെയാണ് മരിക്കുക. ഗണഗീതം പാടിയത് കൊണ്ട് ആരെങ്കിലും വേദനിച്ചിട്ടുണ്ടെങ്കിൽ ക്ഷമ ചോദിക്കുന്നു,” എന്നാണ് ശിവകുമാറിന്റെ പ്രതികരണം.

താൻ കോൺഗ്രസിനോടും ഗാന്ധി കുടുംബത്തോടും എല്ലായ്പ്പോഴും നിസ്വാർത്ഥമായ വിശ്വാസവും പ്രതിബദ്ധതയും പുലർത്തുന്നുവെന്ന് അദ്ദേഹം കൂട്ടിച്ചേർത്തു. നിയമസഭയിൽ ഉന്നയിച്ച ചോദ്യത്തിന് മറുപടി പറയുന്നതിനിടെയാണ് ആർ.എസ്.എസ്. ഗണഗീതം ശിവകുമാർ ആലപിച്ചത്. സംഭവത്തിനു പിന്നാലെ പാർട്ടിക്കുള്ളിൽ നിന്നുതന്നെ വിമർശനങ്ങൾ ഉയർന്നപ്പോൾ, ബിജെപി നേതാക്കൾ അദ്ദേഹത്തിന്റെ നടപടി രാഷ്ട്രീയ ആയുധമാക്കി പ്രയോഗിക്കുകയും ചെയ്തു.

Tag: RSS Karnataka Deputy Chief Minister D. K. Shivakumar apologizes for singing Ganesha