ഇന്ത്യൻ ക്രിക്കറ്റ് ഇതിഹാസം സച്ചിൻ ടെണ്ടുൽക്കർ അമ്മയോടുള്ള ആത്മബന്ധത്തെ കുറിച്ച് പല അവസരങ്ങളിലും തുറന്നു പറഞ്ഞിട്ടുള്ള ആളാണ്. തന്റെ ജീവിതത്തിൽ ഏറ്റവും വലിയ സ്വാധീനം ചെലുത്തിയവരിൽ അമ്മയാണ് പ്രധാനപ്പെട്ട വ്യക്തിയെന്ന് അദ്ദേഹം പലപ്പോഴും വ്യക്തമാക്കിയിട്ടുണ്ട്. ഇപ്പോൾ അമ്മയുടെ ജന്മദിനാഘോഷത്തിലെ ഫോട്ടോയും ഹൃദയസ്പർശിയായ കുറിപ്പും പങ്കുവെച്ച് താരം വീണ്ടും ആരാധകരുടെ ഹൃദയം കീഴടക്കുകയാണ്.
എക്‌സിൽ പങ്കുവെച്ച പോസ്റ്റിൽ, അമ്മ തനിക്കുവേണ്ടി ചെയ്ത എല്ലാത്തിനോടും സ്‌നേഹവും നന്ദിയും പ്രകടിപ്പിച്ച് മറാത്തിയിലാണ് സച്ചിൻ കുറിപ്പ് എഴുതിയത്. കുറിപ്പിനൊപ്പം അമ്മയ്‌ക്ക് കേക്ക് നൽകുന്ന തന്റെ ദൃശ്യവും കുടുംബാംഗങ്ങൾ ഒപ്പമിരിക്കുന്ന ചിത്രവും അദ്ദേഹം പങ്കുവെച്ചു.
സച്ചിന്റെ സ്വകാര്യ ജീവിതത്തിലെ അപൂർവവും ഊഷ്മളവുമായ ഈ കാഴ്ച ആരാധകർ ഏറെ ആവേശത്തോടെ സ്വീകരിച്ചു. വർഷങ്ങളായി അമ്മ നൽകിയ അചഞ്ചലമായ പിന്തുണക്കും അനവധി ത്യാഗങ്ങൾക്കുമുള്ള നന്ദി തന്റെ സന്ദേശത്തിലൂടെ സച്ചിൻ പ്രത്യേകം രേഖപ്പെടുത്തി.
Tag: Sachin Tendulkar shares a picture from his mother’s birthday celebration
