സംസ്ഥാനത്ത് എസ്എസ്എൽസി, ഹയർസെക്കൻഡറി പരീക്ഷ തീയതികൾ പ്രഖ്യാപിച്ചു

സംസ്ഥാനത്ത് എസ്എസ്എൽസി, ഹയർസെക്കൻഡറി പരീക്ഷ തീയതികൾ പ്രഖ്യാപിച്ചു. 2026 മാർച്ച് 5 മുതൽ 30 വരെ എസ്എസ്എൽസി പരീക്ഷകൾ നടക്കുമെന്ന് വിദ്യാഭ്യാസ മന്ത്രി വി. ശിവൻകുട്ടി അറിയിച്ചു. രാവിലെ 9.30ന് പരീക്ഷകൾ ആരംഭിക്കും. ഫലപ്രഖ്യാപനം മെയ് 8-ന് നടക്കും.

ഹയർസെക്കൻഡറി ഒന്നാം വർഷ പരീക്ഷ മാർച്ച് 5 മുതൽ 27 വരെ, രണ്ടാം വർഷ പരീക്ഷ മാർച്ച് 6 മുതൽ 28 വരെ നടത്തും. ഒന്നാം വർഷ പരീക്ഷ ഉച്ചയ്ക്ക് 1.30നും രണ്ടാം വർഷ പരീക്ഷ രാവിലെ 9.30നും തുടങ്ങും. സംസ്ഥാനത്തെ 3000 പരീക്ഷാ കേന്ദ്രങ്ങളിലാണ് പരീക്ഷകൾ നടക്കുകയെന്ന് മന്ത്രി വ്യക്തമാക്കി.

അതേസമയം, പിഎം ശ്രീ പദ്ധതിയിൽ കരാർ മരവിപ്പിച്ചോ എന്ന കാര്യത്തിൽ തനിക്കറിയില്ലെന്നും മന്ത്രി ശിവൻകുട്ടി പ്രതികരിച്ചു. മന്ത്രിസഭാ യോഗം 3.30-ന് നടക്കുമെന്നും സിപിഐ മന്ത്രിമാർക്കിടയിൽ പിണക്കം ഉണ്ടെന്നത് തനിക്ക് തോന്നുന്നില്ലെന്നും അദ്ദേഹം കൂട്ടിച്ചേർത്തു. “എല്ലാ നേതാക്കളും ഇടപെട്ട് ചർച്ചകൾ നടത്തുകയാണ്, അതിനിടെ താൻ അഭിപ്രായം പറയുന്നത് ശരിയല്ല,” എന്നും മന്ത്രി വ്യക്തമാക്കി.

Tag: SSLC and Higher Secondary Examination Dates Announced in the State