Kerala NewsLatest NewsNews
സംസ്ഥാനത്തെ എസ് എസ് എല്‍ സി, ഹയര്‍സെക്കന്‍ഡറി പരീക്ഷകള്‍ മാറ്റി
തിരുവനന്തപുരം: സംസ്ഥാനത്തെ ഇന്ധനവിലയില്‍ പ്രതിഷേധിച്ച്‌ നാളെ നടക്കുന്ന സംയുക്ത വാഹന പണിമുടക്കിനെ തുടര്‍ന്ന് വിവിധ പരീക്ഷകള്‍ മാറ്റി. എസ് എസ് എല്‍ സി, ഹയര്‍ സെക്കന്‍ഡറി, വൊക്കേഷണല്‍ ഹയര്‍സെക്കന്‍ഡറി മോഡല്‍ പരീക്ഷകള്‍ എട്ടാം തീയതിയിലേക്കാണ് മാറ്റിയത്. എം ജി, കേരള സര്‍വകലാശാലകളും നാളെ നടത്താനിരുന്ന എല്ലാ പരീക്ഷകളും മാറ്റി.
നാളെ രാവിലെ ആറ് മുതല്‍ വൈകിട്ട് ആറ് വരെയാണ് പണിമുടക്ക് നടക്കുന്നത്. വാഹന പണിമുടക്കാണെങ്കിലും ഹര്‍ത്താലിലേക്ക് കാര്യങ്ങള്‍ നീങ്ങുമെന്നാണ് കരുതുന്നത്. കേരള സാങ്കേതിക സര്‍വകലാശാലയുടേതടക്കം പരീക്ഷകള്‍ നേരത്തെ തന്നെ മാറ്റിയിരുന്നു. ഇതോടെ ദേശീയ തലത്തില്‍ നടക്കുന്ന പണിമുടക്ക് കേരളത്തില്‍ സമ്ബൂര്‍ണമാകും.
