വി.എസ് അച്യുതാനന്ദന്‍റെ പൊതുദര്‍ശനവുമായി ബന്ധപ്പെട്ട് ഇന്ന് തിരുവനന്തപുരം നഗരത്തില്‍ കർശന ഗതാഗത നിയന്ത്രണങ്ങള്‍

മുൻ മുഖ്യമന്ത്രി വി എസ് അച്ചുതാനന്ദന്റെ ഭൗതിക ശരീരത്തിന് ഇന്ന് തിരുവനന്തപുരത്ത് നടക്കുന്ന പൊതുദർശനവും തുടർന്ന് വിലാപയാത്രയുമായി ബന്ധപ്പെട്ട് നഗരത്തില്‍ ഗതാഗത നിയന്ത്രണങ്ങൾ ഏർപ്പെടുത്തിയതായി തിരുവനന്തപുരം സിറ്റി പൊലീസ് അറിയിച്ചു. രാവിലെ 7 മണി മുതൽ നിയന്ത്രണങ്ങൾ പ്രാബല്യത്തിൽ വന്നിട്ടുണ്ട്.

സെക്രട്ടേറിയേറ്റ് ഭാഗത്തേക്കുള്ള എല്ലാ വാഹനഗതാഗതവും ഇന്ന് വിലക്കിയിട്ടുണ്ട്. പൊതുദര്‍ശനത്തിന് പങ്കെടുക്കുന്നവർ പുളിമൂട്, ഹൗസിങ് ബോർഡ് ജംഗ്ഷൻ, രക്തസാക്ഷിമണ്ഡപം തുടങ്ങിയ സ്ഥലങ്ങളിൽ വാഹനങ്ങളിൽ നിന്നിറങ്ങി ദർബാർ ഹാളിലേക്ക് പയറണമെന്ന് പൊലീസ് നിര്‍ദ്ദേശിച്ചു.

പൊതുദർശനത്തിനായി എത്തുന്നവരുടെ പാർക്കിംഗ് ക്രമീകരണങ്ങളും പൊലീസ് വ്യക്തമാക്കിയിട്ടുണ്ട്. ചെറിയ വാഹനങ്ങൾ താഴെപ്പറയുന്ന സ്ഥലങ്ങളിലായിരിക്കും പാർക്ക് ചെയ്യാൻ അനുവദിക്കുന്നത്:

യൂണിവേഴ്സിറ്റി ക്യാമ്പസ്, വെളളയമ്പലം വാട്ടർ അതോറിറ്റി ഗ്രൗണ്ട്, ജിമ്മി ജോർജ്ജ് സ്റ്റേഡിയം ഗ്രൗണ്ട്, ടാഗോർ തിയേറ്റർ ഗ്രൗണ്ട്, തെക്കാഡ്,
പി.ടി.സി. ഗ്രൗണ്ട്,

വലിയ വാഹനങ്ങൾയ്ക്ക് പാർക്കിംഗ് സ്ഥലങ്ങൾ:

ആറ്റുകാൽ ക്ഷേത്ര ഗ്രൗണ്ട്, കവടിയാറിലെ സാൽവേഷൻ ആർമി ഗ്രൗണ്ട്, പൂജപ്പുര ഗ്രൗണ്ട് എന്നിങ്ങനെയാണ്.

പ്രധാന റോഡുകളിലും ഇടറോഡുകളിലും അനുമതിയില്ലാതെ വാഹനങ്ങൾ പാർക്ക് ചെയ്യാൻ കർശന വിലക്ക് ഉണ്ട്. വിലാപയാത്ര കടന്നുപോകുന്ന പി.എം.ജി, പട്ടം, കേശവദാസപുരം, ഉളളൂർ, പോങ്ങുംമൂട്, ശ്രീകാര്യം, പാങ്ങപ്പാറ, കാര്യവട്ടം, കഴക്കൂട്ടം, വെട്ടറോഡ് തുടങ്ങിയ സ്ഥലങ്ങളിലേക്കുള്ള റോഡുകളുടെ ഇരു വശങ്ങളിലും പാർക്കിംഗ് വിലക്കിയിട്ടുണ്ട്.

വിലാപയാത്രയുടെ സമയത്ത് ഗതാഗതം അത്യധികം തിരക്കാകുമെന്നതിനാൽ ട്രാഫിക് തിരിഞ്ഞ് വിടേണ്ടി വന്നേക്കാമെന്നും, യാത്രക്കാർ മുൻകരുതലോടെ യാത്ര ചെയ്യാൻ പൊലീസ് അഭ്യർത്ഥിച്ചു.

Tag: Strict traffic restrictions in Thiruvananthapuram city today in connection with VS Achuthanandan’s public visit