പേര് ‘വാമിക’; വെളിപ്പെടുത്തി വിരാടും അനുഷ്‌കയും
ക്രിക്കറ്റ് താരം വിരാട് കോഹ്ലിയുടേയും ബോളിവുഡ് അഭിനേത്രി അനുഷ്‌ക ശര്‍മ്മയുടേയും മകള്‍ക്ക് ‘വാമിക’ എന്ന് പേര് നല്‍കി. അനുഷ്‌ക തന്റെ ഇന്‍സ്റ്റഗ്രാം പോസ്റ്റിലൂടെയാണ് ഇക്കാര്യം ആരാധകരെ അറിയിച്ചത്. താരങ്ങള്‍ മകള്‍ക്കൊപ്പം നില്‍ക്കുന്ന ചിത്രത്തോടൊപ്പമാണ് പേര് നല്‍കിയ വിവരം അനുഷ്‌ക പങ്കുവച്ചിരിക്കുന്നത്.
അമ്മയുടെ കൈകളിലിലുള്ള വാമികയെ ചിത്രത്തില്‍ കാണാന്‍ സാധിക്കും. തങ്ങളുടെ സ്നേഹപൂര്‍ണമായ ജീവിതം മകളുടെ വരവോടെ പുതിയ വഴിത്തിരിവിലേക്കെത്തിയെന്നാണ് അനുഷ്‌കയുടെ പോസ്റ്റ്. ഇത്രയും നാള്‍ പ്രാര്‍ത്ഥനകളോടെ ഒപ്പം നിന്ന ആരാധകര്‍ക്കും താരം നന്ദി പറയുന്നുണ്ട്.
ജനുവരി 11നാണ് വിരാട്ടിനും അനുഷ്‌കയ്ക്കും പെണ്‍കുഞ്ഞ് പിറന്നത്. പ്രസവ സമയത്ത് അനുഷ്‌കയോടൊപ്പമുണ്ടാകാനായി ഇന്ത്യ-ഓസ്ട്രേലിയ ടെസ്റ്റ് പരമ്ബര പാതിവഴിക്ക് ഉപേക്ഷിച്ചാണ് ക്യാപ്റ്റന്‍ ഇന്ത്യയിലേക്ക് വിമാനം കയറിയത്. താന്‍ അച്ഛനായ വിവരം വിരാടാണ് ട്വിറ്ററിലൂടെ ആരാധകരെ അറിയിച്ചത്. അമ്മയും കുഞ്ഞും സുഖമായിരിക്കുന്നെന്നും, തങ്ങളുടെ സ്വകാര്യതയെ മാനിക്കേണമെന്നും വിരാട് അന്ന് കുറിച്ചിരുന്നു. 2017ലായിരുന്നു താരങ്ങള്‍ വിവാഹിതരായത്. ഏറെനാളത്തെ പ്രണയത്തിന് ശേഷമായിരുന്നു ലോകം ഉറ്റുനോക്കിയ താരവിവാഹം നടന്നത്. വിരുഷ്‌ക ദമ്പതിമാരുടെ കുഞ്ഞിന് ആരാധകര്‍ രസകരമായ പല പേരുകള്‍ നിര്‍ദ്ദേശിച്ചിരുന്നതും വൈറലായിരുന്നു.
