കൊറോണ​ പ്രതിസന്ധിക്ക് ശമനമില്ല; ഡെൽഹിയിൽ ലോക്​ഡൗൺ വീണ്ടും നീട്ടിയേക്കും

ന്യൂ ഡെൽഹി: കൊറോണ രണ്ടാം തരംഗത്തിന്റെ വ്യാപനം നിയന്ത്രണാതീതമായി തുടരുന്ന സാഹചര്യത്തിൽ രാജ്യതലസ്ഥാനമായ ഡെൽഹിയിൽ ലോക്​ഡൗൺ ഒരാഴ്​ചത്തേക്ക്​ കൂടി നീട്ടിയേക്കും.

കൊറോണ വ്യാപനത്തിന്റെ പശ്ചാത്തലത്തിൽ നിലവിൽ തിങ്കളാഴ്ച രാവിലെ വരെയാണ് ലോക്​ഡൗൺ പ്രഖ്യാപിച്ചിരിക്കുന്നത്​. ഇത്​ സംബന്ധിച്ച്‌ മുഖ്യമന്ത്രി അരവിന്ദ് കെജ്‌രിവാളിന്റെ പ്രഖ്യാപനം ഞായറാഴ്​ച ഉണ്ടായേക്കുമെന്നാണ് ലഭ്യമായ വിവരം.

കഴിഞ്ഞ 24 മണിക്കൂറിനിടെ ഡെൽഹിയിൽ 27,000 കൊറോണ കേസുകളാണ് സ്ഥിരീകരിച്ചത്. 375 മരണവും സ്ഥിരീകരിച്ചു. നിലവിൽ കൊറോണ ബാധിച്ച്‌ ചികിത്സയിൽ കഴിയുന്നവരുടെ എണ്ണം ഒരു ലക്ഷത്തിനടുത്താണ്. ഓക്​സിജൻ ക്ഷാമത്തിന്​ പുറമെ ആശുപത്രികൾ നിറഞ്ഞുകവിഞ്ഞതും ഡെൽഹിയിലെ പ്രതിരോധ പ്രവർത്തനങ്ങളെ പ്രതിസന്ധയിലാക്കിയിരിക്കുകയാണ്​.