ലോകം പ്രാര്ത്ഥിച്ചു, ആരോഗ്യസ്ഥിതി മെച്ചപ്പെട്ട ക്രിസ്റ്റ്യന് എറിക്സണ് ആശുപത്രി വിട്ടു
കോപ്പന്ഹേഗന്: യൂറോ കപ്പില് മത്സരത്തിനിടെ മൈതാനത്ത് കുഴഞ്ഞു വീണ ഡെന്മാര്ക്ക് താരം ക്രിസ്റ്റ്യന് എറിക്സണ് ആശുപത്രി വിട്ടു. ഫിന്ലന്ഡിനെതിരായ മത്സരത്തിനിടെയാണ് താരം കുഴഞ്ഞു വീണത്. മൈതാനത്ത് വെച്ച് സി പി ര് നല്കിയാണ് അദ്ദേഹത്തെ രക്ഷിച്ചത്.
ഉടന് തന്നെ ആശുപത്രിയിലേക്ക് മാറ്റുകയും ചെയ്തു. ശസ്ത്രക്രിയ കഴിഞ്ഞു ഇപ്പോള് ആരോഗ്യ സ്ഥിതി മെച്ചപ്പെട്ടു. ഹെല്സിംഗോറിലെ പരിശീലന ക്യാമ്ബിലെത്തി സഹതാരങ്ങളുമായി കൂടിക്കാഴ്ച നടത്തിയ ശേഷമാണ് താരം വീട്ടിലേക്ക് മടങ്ങിയത്.
എറിക്സണിന് ഹാര്ട്ട്-സ്റ്റാര്ട്ടര് യന്ത്രം ഘടിപ്പിക്കുമെന്ന് ആശുപത്രി അധികൃതര് അറിയിച്ചു. ഹൃദയ സ്തംഭനം തടയാനുള്ള ചെറിയ ഇലക്ട്രോണിക് യന്ത്രമാണ് ഘടിപ്പിക്കുക. ഹൃദയതാളം നിലച്ചുപോകാതിരിക്കാനാണിത്.