ടാറ്റാ ഗ്രൂപ്പിന്റെ ധനകാര്യ സ്ഥാപനമായ ടാറ്റാ ക്യാപിറ്റൽ ഐപിഒയുടെ അലോട്ട്മെന്റ് നടപടികൾ പൂർത്തിയാക്കിയതോടെ, ഓഹരി വിപണിയിലെ ലിസ്റ്റിംഗിനായി നിക്ഷേപകർ കാത്തിരിക്കുന്നു.
ഗ്രേ മാർക്കറ്റ് പ്രീമിയം (GMP) സൂചനകൾ പ്രകാരം, ടാറ്റാ ക്യാപിറ്റൽ ഐപിഒ ലിസ്റ്റിംഗ് ദിനത്തിൽ വലിയ വർധന പ്രതീക്ഷിക്കാനില്ല, എന്നാൽ സ്ഥിരതയാർന്ന തുടക്കം ലഭിക്കുമെന്ന് വിപണി വിദഗ്ധർ വിലയിരുത്തുന്നു. ഐപിഒയുടെ ഉയർന്ന വിലയായ ₹326നെ അപേക്ഷിച്ച്, ഗ്രേ മാർക്കറ്റിൽ ഓഹരികൾ ₹5 മുതൽ ₹7 വരെ പ്രീമിയത്തിൽ വ്യാപാരം ചെയ്യപ്പെടുന്നു. ഇതിലൂടെ ഏകദേശം 1.5% മുതൽ 2.15% വരെ ലിസ്റ്റിംഗ് നേട്ടം ലഭിക്കാനിടയുണ്ട്.
ഐപിഒ വഴി ടാറ്റാ ക്യാപിറ്റൽ വിപണിയിൽ നിന്ന് ₹15,511 കോടി രൂപ സമാഹരിക്കുകയാണ്. ഒക്ടോബർ 13-ന് ഓഹരികൾ ബിഎസ്ഇയിലും എന്‍എസ്ഇയിലും ലിസ്റ്റ് ചെയ്യാനാണ് സാധ്യത. നിക്ഷേപകർക്ക് ബിഎസ്ഇ, എന്‍എസ്ഇ വെബ്സൈറ്റുകൾ വഴിയോ അല്ലെങ്കിൽ ഐപിഒ രജിസ്ട്രാറിന്റെ ഔദ്യോഗിക പോർട്ടൽ വഴിയോ അലോട്ട്മെന്റ് സ്റ്റാറ്റസ് ഓൺലൈനായി പരിശോധിക്കാനാകും.
Tag: Tata Capital IPO allotment complete; listing expected on October 13
