കോ​വി​ഡ് വാ​ക്സി​ൻ നി​ര്‍​മി​ക്കു​ന്ന സി​റം ഇ​ൻ​സ്റ്റി​റ്റ്യൂ​ട്ടി​ലെ തീ​പി​ടി​ത്ത​ത്തി​ൽ അ​ഞ്ച് പേ​ർ മ​രി​ച്ചു.

മും​ബൈ / കോ​വി​ഡ് വാ​ക്സി​ൻ നി​ര്‍​മി​ക്കു​ന്ന പൂ​ന സി​റം ഇ​ൻ​സ്റ്റി​റ്റ്യൂ​ട്ടി​ലു​ണ്ടാ​യ തീ​പി​ടി​ത്ത​ത്തി​ൽ അ​ഞ്ച് പേ​ർ മ​രി​ച്ചു. പൂ​ന​യി​ലെ മ​ഞ്ചി​യി​ൽ സ്ഥി​തി ചെ​യ്യു​ന്ന പ്ലാ​ന്‍റി​ൽ ഉണ്ടായ തീ​പി​ടു​ത്തത്തിൽ കെ​ട്ടി​ട​ത്തി​ൽ കു​ടു​ങ്ങി​യ ഏ​താ​നും പേ​രെ ര​ക്ഷ​പെ​ടു​ത്തി. നി​ര്‍​മാ​ണ​ത്തി​ലി​രി​ക്കു​ന്ന പ്ലാ​ന്‍റി​ന്‍റെ ര​ണ്ടാം​നി​ല​യി​ലാ​ണ് ഉ​ച്ച​യ്ക്ക് തീ​പി​ടി​ത്ത​മു​ണ്ടാ​യ​ത്. പ്ലാ​ന്‍റി​ലെ തൊ​ഴി​ലാ​ളി​ക​ളാ​ണ് മ​രി​ച്ച​തെ​ന്നാണ് റിപ്പോർട്ടുകൾ പറയുന്നത്.

വാ​ക്സീ​ന്‍ നി​ര്‍​മാ​ണ​യൂ​ണി​റ്റ് സു​ര​ക്ഷി​ത​മാ​ണെ​ന്നും വാ​ക്സീ​ന്‍ ഉ​ല്‍​പാ​ദ​നം ത​ട​സ​പ്പെ​ടി​ല്ലെ​ന്നും സീ​റം ഇ​ന്‍​സ്റ്റി​റ്റ്യൂ​ട്ട് അ​റി​യി​ച്ചു. അ​പ​ക​ട കാ​ര​ണം വ്യ​ക്ത​മായിട്ടില്ല. പത്തിലേറെ ഫയര്‍ യൂണിറ്റുകള്‍ മൂ​ന്ന് മ​ണി​ക്കൂ​റോ​ളം ന​ട​ത്തി​യ പ​രി​ശ്ര​മ​ത്തി​നൊ​ടു​വി​ൽ ആണ് പ്ലാ​ന്‍റി​ലെ തീ​പി​ടി​ത്തം പൂ​ർ​ണ​മാ​യും അ​ണ​യ്ക്കാ​ൻ കഴിഞ്ഞത്. തീ പിടുത്ത ഉണ്ടായപ്പോൾ തന്നെ ശാസ്ത്രജ്ഞരെ സുരക്ഷിത കേന്ദ്രത്തിലേക്ക് മാറ്റുകയായിരുന്നു.

വാക്സിൻ ഉത്പാദനം നടക്കുന്ന പ്ലാന്റിന് തീപിടിച്ചിട്ടില്ലെന്നാണ് അധികൃത‍ർ പറയുന്നത്. ഇന്ത്യയിലെ മൂന്ന് കോടി ആരോഗ്യപ്രവർത്തകർക്കും കൊവിഡ് പ്രതിരോധപ്രവർത്തനങ്ങ ളിൽ പങ്കാളികളായ മറ്റുളളവർക്കും വേണ്ട വാക്സിൻ ഉത്പാദിപ്പിക്കുന്നത് സിറത്തിൽ നിന്നുമാണ്. മഞ്ചിപ്രദേശത്താണ് പ്ളാന്റ് പ്രവർത്തിച്ചു വരുന്നത്. നൂറ് ഏക്കറിനുളളിലാണ് മരുന്ന് നിർമ്മാണ ഫാക്ടറി പ്രവർത്തിക്കുന്നത്. കൊവിഡ് പ്രതിരോധ വാക്സിനൊപ്പം മറ്റുമരുന്നുകളും ഇവിടെ ഉത്പാദിപ്പിച്ചു വരുന്നു.