ദ്വാരക: ഗുജറാത്ത് തീരത്ത് ഇന്ത്യന്‍ മത്സ്യ തൊഴിലാളികള്‍ക്ക് നേരെ പാക്കിസ്ഥാന്‍ സൈന്യത്തിന്റെ വെടിവയ്പ്. മത്സ്യതൊഴിലാളികളുടെ ബോട്ടിന് നേരെയാണ് പാക് നാവികസേന വെടിവച്ചത്. ബോട്ടിലെ ഒരു മത്സ്യ തൊഴിലാളി മരിച്ചു. ഗുജറാത്തിലെ ദ്വാരകയില്‍ നിന്ന് മത്സ്യബന്ധനത്തിന് പുറപ്പെട്ട ‘ജല്‍പരി’ എന്ന ബോട്ടിനു നേരെയാണ് പാക് സൈന്യത്തിന്റെ അതിക്രമം. ഓഖ ടൗണിന് സമീപത്തുവച്ചായിരുന്നു ആക്രമണം. മത്സ്യ തൊഴിലാളിയായ ശ്രീധര്‍ വെടിയേറ്റ് മരിച്ചു. മറ്റുളളവരെ പാക് നാവികസേന പിടികൂടിയതായും ബോട്ട് പാക്കിസ്ഥാന്‍ കസ്റ്റഡിയിലെടുത്തതായുമാണ് വിവരം. ഒരാള്‍ക്ക് വെടിവയ്പ്പില്‍ പരിക്കേറ്റിട്ടുണ്ട്.
