ഇടുക്കി പെട്ടിമുടി ഉരുൾപൊട്ടൽ ദുരന്തത്തിന് ഇന്ന് അഞ്ചു വർഷം

ഇടുക്കി പെട്ടിമുടി ഉരുൾപൊട്ടൽ ദുരന്തത്തിന് ഇന്ന് അഞ്ചു വർഷം. 2020 ഓഗസ്റ്റ് 6-ന് രാത്രിയിൽ ഉണ്ടായ ഉരുൾപൊട്ടലിൽ 70 പേർ ജീവൻ നഷ്ടപ്പെട്ടതായി ഔദ്യോഗിക കണക്കുകൾ വ്യക്തമാക്കുന്നു. കേരളത്തിന്റെ ദുരന്തചരിത്രത്തിലെ ഏറ്റവും ഭീകരമായ സംഭവങ്ങളിലൊന്നായി പെട്ടിമുടി ഇന്നും ഓർമ്മിക്കപ്പെടുന്നു.

കണ്ണൻദേവൻ ഹിൽസ് പ്ലാന്റേഷനിലെ 22 തൊഴിലാളി കുടുംബങ്ങൾ താമസിച്ചിരുന്ന നാല് ലയങ്ങളാണ് ദുരന്തത്തിൽ പൂർണ്ണമായി തകർന്നത്. പകൽ ജോലിക്ക് ശേഷം ഉറക്കത്തിലായിരുന്നവർക്ക് മഴ കനത്തുകൊണ്ടിരുന്ന സമയത്താണ് ഇരവികുളം ദേശീയോദ്യാനത്തിന്റെ അതിർത്തിയിൽ നിന്ന് വലിയ മണ്ണിനും പാറക്കും കൂമ്പാരം ലയങ്ങൾ മൂടി വീണത്.

പ്രദേശത്ത് പത്ത് അടിവരെ മണ്ണ് അടിഞ്ഞുകൂടി, പല സ്ഥലങ്ങളിലും വൻപാറകൾ പതിഞ്ഞു. വൈദ്യുതി ബന്ധം തകരുകയും മൊബൈൽ നെറ്റ്‌വർക്ക് നഷ്ടപ്പെടുകയും ചെയ്തതിനാൽ ദുരന്ത വിവരം പുറംലോകത്ത് വൈകിയാണ് എത്തിയത്. പാലം തകർന്നത് രക്ഷാപ്രവർത്തനങ്ങളെ കൂടുതൽ ദുഷ്‌കരമാക്കി. കുട്ടികളടക്കം എഴുപതു പേർ മരിച്ചു, അതിൽ ഒരു കുടുംബത്തിലെ 21 പേരും ഉൾപ്പെടുന്നു. നാലു പേരുടെ മൃതദേഹം കണ്ടെത്താനായില്ലെങ്കിലും, അവരെയും മരിച്ചവരായി കണക്കാക്കി. 12 പേർ മാത്രമാണ് ജീവൻ രക്ഷിച്ചത്.

Tag: Today marks five years since the Idukki Pettimudi landslide disaster