വാഷിംഗ്ടൺ: ഓഡിയോ ട്വീറ്റ്, ഓഡിയോ സ്പേസസ് പോലുള്ള ഫീച്ചറുകൾക്ക് ശേഷം ലോകപ്രശസ്തമായ മൈക്രോ ബ്ലോഗിങ് പ്ലാറ്റ്ഫോം ഉപയോക്താക്കൾക്കായി അവതരിപ്പിക്കാൻ പോകുന്നത് വോയിസ് ഡി.എമ്മുകളാണ്. ട്വിറ്ററിലെ ഡയറക്ട് മെസ്സേജ് സംവിധാനത്തിലാണ് വാട്സ്ആപ്പിലെ വോയിസ് മെസ്സേജുകൾ പോലെ ഓഡിയോ മെസ്സേജുകൾ അയക്കാനുള്ള ഫീച്ചർ ഉൾപ്പെടുത്തുക.
ഇന്ത്യയിലെയും ബ്രസീലിലെയും ജപ്പാനിലെയും ട്വിറ്ററാട്ടികൾക്കാണ് ഈ ഫീച്ചർ ആദ്യം ലഭിക്കുക. ഓഡിയോ ട്വീറ്റ് പോലെ 140 സെക്കൻറുകൾ വരെ വോയിസ് ഡിംഎം റെക്കോർഡ് ചെയ്യാൻ ട്വിറ്റർ യൂസർമാരെ അനുവദിക്കും.
ട്വിറ്ററിലെ മെസ്സേജസ് ടാബിലായിരിക്കും വോയിസ് ഡിഎം ചെയ്യാനുള്ള ഓപ്ഷനുണ്ടാവുക. വരും ദിവസങ്ങളിൽ എല്ലാ യൂസർമാർക്കും ഈ സംവിധാനം ഉപയോഗിച്ച് മെസ്സേജുകൾ അയക്കാം.
