കേന്ദ്രമന്ത്രിസഭ ₹52,667 കോടിരൂപയുടെ വിവിധ പദ്ധതികൾക്ക് അംഗീകാരം നൽകി. പാചകവാതകമായ എൽപിജിയുടെ വില കുറയ്ക്കുന്നതിനായും ഉപഭോക്താക്കൾക്ക് കൂടുതൽ സഹായകരമാകുന്ന പദ്ധതികൾക്കും കേന്ദ്ര സർക്കാർ നടപടികൾ ആരംഭിച്ചു. ഓയിൽ മാർക്കറ്റിംഗ് കമ്പനികൾക്ക് ₹30,000 കോടി രൂപയുടെ സബ്സിഡിയാണ് ഇതിലൂടെ ലക്ഷ്യം വെക്കുന്നത്.
പുതിയ പ്രഖ്യാപനങ്ങളിലെ മറ്റൊരു പ്രധാനനേട്ടം സാങ്കേതിക വിദ്യാഭ്യാസ മേഖലയിലേക്കാണ്. സംസ്ഥാന സർക്കാരുകളുടെ നിയന്ത്രണത്തിലുള്ള സ്ഥാപനങ്ങൾക്കുൾപ്പെടെ സാങ്കേതിക വിദ്യാഭ്യാസ സ്ഥാപനങ്ങളുടെ മെച്ചപ്പെടുത്തലിനായി ₹4,200 കോടി രൂപ കേന്ദ്രം അനുവദിക്കും.
പി.എം. ഉജ്വല യോജനയുടെ പുനരാവൃതിക്കായി ₹12,060 കോടി രൂപയുടെ ഫണ്ടിനും അംഗീകാരം നൽകി. ഇതിലൂടെ കൂടുതൽ കുടുംബങ്ങൾക്ക് പാചകവാതകസൗകര്യം ലഭ്യമാക്കുകയാണ് ലക്ഷ്യം. അതോടൊപ്പം, അസം, ത്രിപുര സംസ്ഥാനങ്ങളിലെ വികസനത്തിനായി പ്രത്യേക പാക്കേജായ ₹4,250 കോടിക്കും അംഗീകാരം ലഭിച്ചു. ഇന്നലെ ചേർന്ന കേന്ദ്രമന്ത്രിസഭായോഗത്തിൽ യുഎസിന്റെ പകരച്ചുങ്ക നടപടികൾ ചർച്ചയായില്ലെന്നാണ് ലഭിച്ച വിവരം.
Tag: Union Cabinet approves development projects worth Rs 52,667 crore; Steps to reduce LPG prices initiated
