വോട്ടർ പട്ടിക ക്രമക്കേട് കേസ്; സുരേഷ് ഗോപിയുടെ സഹോദരന്‍ സുഭാഷ് ഗോപിയുടെ മൊഴിയെടുക്കും
തൃശൂരിലെ വോട്ടർ പട്ടികയിൽ ക്രമക്കേടുണ്ടെന്ന കോൺഗ്രസ് എംപി ടി. എൻ. പ്രതാപിന്റെ പരാതിയുടെ അടിസ്ഥാനത്തിൽ പൊലീസ് നടപടികൾ ശക്തമാക്കുന്നു. പരാതിയുമായി ബന്ധപ്പെട്ട് കേന്ദ്രമന്ത്രി സുരേഷ് ഗോപിയുടെ സഹോദരൻ സുഭാഷ് ഗോപിയുടെ മൊഴിയെടുക്കാൻ പൊലീസ് തീരുമാനിച്ചു.
തൃശൂർ എസിപി ഓഫിസിലേക്കാണ് സുഭാഷ് ഗോപിയെ വിളിച്ചുവരുത്തുക. സുഭാഷ് ഗോപിയുടെ വീട്ടുകാർക്കും മറ്റും വ്യാജരേഖകൾ ഉപയോഗിച്ച് വോട്ട് ചേർത്തുവെന്ന ആരോപണമാണ് പ്രതാപൻ ഉന്നയിച്ചത്. 11 വോട്ടുകൾ പുനപരിശോധിക്കണമെന്ന ആവശ്യവുമുണ്ട്.
ഇപ്പോൾ പ്രാഥമിക അന്വേഷണം നടക്കുന്നുണ്ട്. നിയമോപദേശത്തിന്റെ അടിസ്ഥാനത്തിലാണ് കേസിലെ തുടർനടപടികൾ തീരുമാനിക്കുക.
അതേസമയം, വോട്ടർ പട്ടിക ക്രമക്കേട് കേസിൽ കേന്ദ്രമന്ത്രി സുരേഷ് ഗോപിക്കെതിരെയും അന്വേഷണം ആരംഭിച്ചു. വ്യാജരേഖയും വ്യാജ സത്യവാങ്മൂലവും ഉപയോഗിച്ച് വോട്ടർ പട്ടികയിൽ പേര് ചേർത്തു എന്നതാണ് പ്രതാപന്റെ ആരോപണം.
Tag: Voter list irregularities case; Suresh Gopi’s brother Subhash Gopi’s statement to be recorded
