യൂത്ത് കോൺഗ്രസ് ക്ലിഫ് ഹൗസ് മാർച്ച്; 28 പ്രവർത്തകരെതിരെ വധശ്രമം ഉൾപ്പെടെയുള്ള വകുപ്പുകൾ ചുമത്തി കേസ്
യൂത്ത് കോൺഗ്രസ് ക്ലിഫ് ഹൗസ് മാർച്ചിൽ പങ്കെടുത്ത 28 പ്രവർത്തകരെതിരെ പൊലീസ് വധശ്രമം ഉൾപ്പെടെയുള്ള വകുപ്പുകൾ ചുമത്തി കേസ് രജിസ്റ്റർ ചെയ്തു. മ്യൂസിയം പൊലീസ് എടുത്ത കേസിൽ മഹിളാ കോൺഗ്രസ് നേതാക്കളായ വീണ എസ്. നായർ, ലീന, ഡിസിസി ജനറൽ സെക്രട്ടറി ശ്രീകല എന്നിവരും പ്രതികളിൽ ഉൾപ്പെടുന്നു. അറസ്റ്റിലായ മൂന്ന് യൂത്ത് കോൺഗ്രസ് പ്രവർത്തകർ റിമാൻഡിലായി.
ഷാഫി പറമ്പിലിനെ ഡിവൈഎഫ്ഐ പ്രവർത്തകർ തടഞ്ഞ സംഭവത്തെ തുടർന്ന് നടത്തിയ പ്രതിഷേധമാണ് ക്ലിഫ് ഹൗസ് മാർച്ചിലേക്ക് വഴിമാറിയത്. രാത്രി നടന്ന പ്രതിഷേധത്തിൽ പ്രവർത്തകർ പന്തം കൊളുത്തി മുദ്രാവാക്യം വിളിച്ചു. ജലപീരങ്കി പ്രയോഗിച്ചിട്ടും പിരിഞ്ഞുപോകാതിരുന്നത് സംഘർഷത്തിന് വഴിവച്ചു. പ്രവർത്തകർ പൊലീസിന് നേരെ തീപ്പന്തം എറിഞ്ഞതായും തുടർന്ന് പൊലീസ് ലാത്തിച്ചാർജ് നടത്തിയതായും റിപ്പോർട്ട്.
Tag: Youth Congress Cliff House March; Case filed against 28 activists on charges including attempt to murder
