News

ഗുജറാത്തില്‍ 400 പേര്‍ മരിച്ച ഗവ.ആശുപത്രിയെ കുറിച്ച്‌​അന്വേഷിക്കണം,ഡോക്ടറുടെ ഊമക്കത്തിൽ ഗുജറാത്ത്​ ഹൈക്കോടതി.

ഒരു റസിഡന്റ് ഡോക്ടർ എഴുതിയ ഊമക്കത്തിൽ ഗുജറാത്ത്​ ഹൈക്കോടതിയുടെ നടപടി. 400 ഓളം കോവിഡ് രോഗികള്‍ മരിച്ച അഹ്​മദാബാദിലെ ഗവ. സിവില്‍ ആശുപത്രിയിലെ സ്ഥിതിഗതികള്‍ ഒരൊറ്റ സർക്കാർ ഉദ്യോഗസ്ഥനെയും ഉൾപ്പെടുത്താതെ അന്വേഷണവിധേയമാക്കണമെന്നാണ്​ ഗുജറാത്ത്​ ഹൈക്കോടതിയുടെ ഉത്തരവ്. അന്വേഷണത്തിന്​ സ്വതന്ത്ര ഡോക്ടര്‍മാരുടെ സമിതി രൂപവത്​കരിക്കാന്‍ സംസ്​ഥാന സര്‍ക്കാറിനോട്​ ഡിവിഷന്‍ ബെഞ്ച് ഉത്തരവിടുകയായിരുന്നു. സമിതിയില്‍ സര്‍ക്കാര്‍ ഉദ്യോഗസ്ഥരോ ആശുപത്രിയുമായി ബന്ധപ്പെട്ടവരോ ഉൾപ്പെടുത്തരുതെന്നു കോടതി ഉത്തരവില്‍ പ്രത്യേകം വ്യക്​തമാക്കിയിട്ടുണ്ട്.

ആശുപത്രിയുടെ മോശം നടത്തിപ്പിനെ കോടതി രൂക്ഷമായി വിമര്‍ശിച്ചു. കാര്യങ്ങള്‍ മനസ്സിലാക്കാന്‍ ജഡ്ജിമാര്‍ മിന്നല്‍ സന്ദര്‍ശനം നടത്തുമെന്നും സൂചനയും നല്‍കിയിട്ടുണ്ട്. ‘സിവില്‍ ആശുപത്രി അധികൃതര്‍ ഒരു സുപ്രഭാതത്തില്‍ ഞങ്ങളുടെ സാന്നിധ്യം പ്രതീക്ഷിച്ചുകൊള്ളുക. ഇത് എല്ലാ വിവാദങ്ങള്‍ക്കും അറുതി വരുത്തും” -ജസ്റ്റിസ് ജെ.ബി. പാര്‍ദിവാല പറഞ്ഞു. ആശുപത്രിയിലെ പരിതാപകരമായ അവസ്​ഥ ചൂണ്ടിക്കാട്ടി ഒരു റസിഡന്‍റ്​ ഡോക്ടര്‍ ആണ് കോടതിക്ക്​ ഊമക്കത്ത്​ എഴുതിയത്. ഈ കത്തിന്​ യാതൊരു പ്രാധാന്യവും നല്‍കരുതെന്ന സര്‍ക്കാര്‍ വാദം ഡിവിഷന്‍ ബെഞ്ച് തള്ളുകയായിരുന്നു. കത്തില്‍ പറഞ്ഞ കാര്യങ്ങളില്‍ യാതൊരു വസ്തുതയും ഇല്ലെന്നായിരുന്നു സംസ്ഥാന സര്‍ക്കാറി​ന്റെ വാദം. എന്നാല്‍, കത്ത് അങ്ങനെ അവഗണിക്കാനോ തള്ളിക്കളയാനോ കഴിയില്ലെന്ന്​ കോടതി അഭിപ്രായപെടുകയായിരുന്നു.
”ആ അജ്ഞാത ഡോക്​ടര്‍ ആരോപിച്ച കാര്യങ്ങളില്‍ സംസ്ഥാന സര്‍ക്കാര്‍ ഉചിതമായ നടപടികള്‍ കൈക്കൊള്ളുമെന്നും കത്തി​ന്റെ ഉള്ളടക്കം വളരെ സൂക്ഷ്മമായി പരിശോധിക്കുമെന്നുമാണ്​ പ്രതീക്ഷിച്ചത്​. പക്ഷേ, സംസ്ഥാന സര്‍ക്കാര്‍ ഇത് ചവറ്റുകുട്ടയില്‍ തള്ളിക്കളഞ്ഞതായി തോന്നുന്നു’ കോടതി പറഞ്ഞു.

Show More

Related Articles

Leave a Reply

Your email address will not be published. Required fields are marked *

Back to top button