രാജ്യത്ത് കോ​വി​ഡ് വാക്‌സിന്റെ ആദ്യ ഡോസ് സ്വീകരിച്ചത് ശു​ചീ​ക​ര​ണ​തൊ​ഴി​ലാ​ളി​.

ന്യൂ​ഡ​ൽ​ഹി/ കോ​വി​ഡ് വാ​ക്‌​സി​നേ​ഷ​ൻ പരിപാടിക്ക് രാ​ജ്യ​ത്ത് തുടക്കം കുറിച്ചപ്പോൾ ആദ്യമായി വാക്‌സിൻ സ്വീകരിച്ചത് എ​യിം​സി​ലെ ശു​ചീ​ക​ര​ണ​തൊ​ഴി​ലാ​ളി​. എ​യിം​സി​ലെ ശു​ചീ​ക​ര​ണ​തൊ​ഴി​ലാ​ളി മ​നീ​ഷ് കു​മാ​ർ ആണ് രാ​ജ്യ​ത്ത് ആ​ദ്യ​മാ​യി കോ​വി​ഡ് പ്ര​തി​രോ​ധ വാ​ക്‌​സി​ൻ സ്വീ​ക​രി​ച്ച​തെന്ന് വാർത്ത ഏജൻസി ആണ് റിപ്പോർട്ട് ചെയ്തത്. കേ​ന്ദ്ര ആ​രോ​ഗ്യ​മ​ന്ത്രി ഹ​ർ​ഷ വ​ർ​ധ​ന്‍റെ സാ​ന്നി​ധ്യ​ത്തി​ലായിരുന്നു വാ​ക്‌​സി​നേ​ഷ​ൻ.

എ​യിം​സ് ഡ​യ​റ​ക്ട​ർ ര​ൺ​ദീ​പ് ഗു​ലേ​റി​യ​യും വാ​ക്‌​സി​ൻ സ്വീ​ക​രി​ക്കുകയുണ്ടായി. രാ​ജ്യ​ത്ത് ആ​ദ്യ​ഘ​ട്ട​ത്തി​ൽ മൂ​ന്ന് ല​ക്ഷ​ത്തോ​ളം പേ​ര്‍​ക്കാ​ണ് വാ​ക്‌​സി​ന്‍ ന​ൽ​കു​ക.ആ​രോ​ഗ്യ പ്ര​വ​ർ​ത്ത​ക​ർ​ക്കാ​ണ് ആദ്യം മു​ൻ​ഗ​ണ​ന നൽകിയിരിക്കുന്നത്. വാ​ക്‌​സി​ൻ സ്വീ​ക​രി​ച്ചാ​ലും മു​ൻ​ക​രു​ത​ലു​ക​ൾ കൈ​വി​ട​രു​തെ​ന്നും ര​ണ്ട് ഡോ​സു​ക​ളും സ്വീ​ക​രി​ച്ച ശേ​ഷം മാ​ത്ര​മെ പ്ര​തി​രോ​ധ ശേ​ഷി കൈ​വ​രി​ക്കു​ക​യു​ള്ളൂ​വെ​ന്നും പ്ര​ധാ​ന​മ​ന്ത്രി പറഞ്ഞിരുന്നു.