ബെ​വ്ക്യൂ ആപ്പിനെ ഒടുവിൽ സർക്കാർ ഒഴിവാക്കി, ടോക്കൺ ഇല്ലാതെ മദ്യം വിൽക്കാം.

തി​രു​വ​ന​ന്ത​പു​രം / കോവിഡ് വ്യാപനത്തിന് ശമനം ഉണ്ടായപ്പോൾ മ​ദ്യ​വി​ത​ര​ണ​ത്തി​നു വി​ർ​ച്വ​ൽ ക്യൂ ​ഏ​ർ​പ്പെ​ടു​ത്തു​ന്ന​തി​നാ​യി സ​ജ്ജ​മാ​ക്കി​യ ബെ​വ്ക്യൂ ആ​പ്പ് ഒടുവിൽ സർക്കാർ ഒഴിവാക്കി. ടോ​ക്ക​ണി​ല്ലാ​തെ മ​ദ്യം ന​ൽ​കാ​മെ​ന്നു ചൂ​ണ്ടി​കാ​ട്ടിയാണ് സ​ർ​ക്കാ​ർ ഇപ്പോൾ ഉ​ത്ത​ര​വി​റ​ക്കിയിരിക്കുന്നത്. ആപ്പ് വഴി ടോക്കൺ എടുത്ത് മദ്യ വിൽപ്പന നടത്താൻ കൊണ്ടുവന്ന ആപ്പിന്റെ പ്രയോജനം സ്വകാര്യ ബാറുടമകൾക്കാണെന്ന ആക്ഷേപം തുടക്കത്തിലേ ഉയർന്നിരുന്നതാണ്.

ലോ​ക്ക്ഡൗ​ണ്‍ സ​മ​യ​ത്താ​ണ് മ​ദ്യം വാ​ങ്ങാ​ൻ ബെ​വ്ക്യൂ ആ​പ്പ് വഴി ടോ​ക്ക​ണ്‍ ഏ​ർ​പ്പെ​ടു​ത്തി​യ​ത്. ബാ​റു​ക​ൾ തു​റ​ന്ന​തോ​ടെ മ​ദ്യ​വി​ൽ​പ​ന ബെ​വ്കോ, ക​ണ്‍​സ്യൂ​മ​ർ​ഫെ​ഡ് ഔട്ലെറ്റുകൾ വ​ഴി മാ​ത്ര​മാ​ക്കി​യി​രു​ന്നു.ആ​പ്പി​ൽ നി​ന്നു ടോ​ക്ക​ണ്‍ കൂ​ട്ട​ത്തോ​ടെ ബാ​റു​ക​ളി​ലേ​ക്കു പോ​യ​തോ​ടെ സർക്കാർ ഔട്ട്ലെറ്റുകളുടെ വി​ൽ​പ​ന​ കുത്തനെ ഇടിക്കുകയായിരുന്നു. ഇ​തോ​ടെയാണ് ആ​പ്പ് പി​ൻ​വ​ലി​ക്ക​ണ​മെ​ന്നു ബെ​വ്കോ സ​ർ​ക്കാ​രി​നോ​ട് ആ​വ​ശ്യ​പ്പെടുന്നത്.

കോ​വി​ഡ് പ​ശ്ചാ​ത്ത​ല​ത്തി​ൽ സാ​മൂ​ഹി​ക അ​ക​ല​മു​റ​പ്പു​വ​രു​ത്താ​ൻ ക​ഴി​ഞ്ഞ മേ​യ് 27 നാണ് ബെ​വ്ക്യൂ ആ​പ്പ് പ്രാ​ബ​ല്യ​ത്തി​ൽ വ​ന്ന​ത്. കൊ​ച്ചി​യി​ലെ സ്റ്റാ​ർ​ട്ട് അ​പ്പ് ആ​യ ഫെ​യ​ർ​കോ​ഡ് ടെ​ക്നോ​ള​ജീ​സാ​ണ് ആ​പ്പ് വി​ക​സി​പ്പി​ച്ച​ത്. സംസ്ഥാനത്ത് സ്പിന്ക്ലെറിന് പിറകെ ബെ​വ്ക്യൂ ആ​പ്പിന്റെ വരവും വിവാദങ്ങൾക്ക് വഴിയൊരുക്കിയിരുന്നു.