പട്ടാമ്പി മത്സ്യമാർക്കറ്റ് ഉൾപ്പെടുന്ന പ്രദേശത്തെ കോവിഡ് ക്ലസ്റ്ററായി പ്രഖ്യാപിച്ചു.

പാലക്കാട് ജില്ലയിലെ പട്ടാമ്പി മത്സ്യമാർക്കറ്റ് ഉൾപ്പെടുന്ന പ്രദേശത്തെ കോവിഡ് ക്ലസ്റ്ററായി പ്രഖ്യാപിച്ചു. ജില്ലയിൽ ആദ്യമായാണ് ഒരു പ്രദേശത്തെ ക്ലസ്റ്ററായി പ്രഖ്യാപിക്കുന്നത്. മത്സ്യമാർക്കറ്റിൽ നടത്തിയ ആന്റിജെൻ പരിശോധനയിൽ 67 പേർക്ക് രോ​ഗം സ്ഥിരീകരിച്ചു. ഇതാണ് പ്രദേശത്തെ ആരോ​ഗ്യവകുപ്പ് ക്ലസ്റ്ററാക്കാൻ കാരണം. ക്ലസ്റ്ററിൽ ഒരാളിൽനിന്ന് മറ്റൊരാളിലേക്ക് രോ​ഗം പകരാനുള്ളസാധ്യത വളരെയധികമാണ്‌. പ്രദേശത്ത് പൊലീസ് നടപടി കർശനമാക്കും. ആളുകൾക്ക് അനാവശ്യമായി പുറത്തിറങ്ങാൻ അനുമതിയില്ല. കടകമ്പോളങ്ങളും അടച്ചിടും.
പൊതുഗതാഗതത്തിനും പൂർണ വിലക്കുണ്ട്. ക്ലസറ്ററിൽ നിന്ന് സൂപ്പർ സ്‌പ്രെഡിലേക്കും സമൂഹ വ്യാപനത്തിലേക്കും പോകാതിരിക്കാനുള്ള നടപടി ജില്ലയിൽ സ്വീകരിക്കുന്നുണ്ട്. പട്ടാമ്പിയിൽ കൂടുതൽ ജാ​ഗ്രത പുലർത്തണമെന്ന് കളക്ടർ ഡി ബാലമുരളി ആവശ്യപ്പെട്ടു.