സി​എ​സ്ഐ മ​ധ്യ​കേ​ര​ള മ​ഹാ​യി​ട​വ​ക​യു​ടെ ബി​ഷ​പാ​യി റ​വ. ഡോ. ​സാ​ബു കെ. ​ചെ​റി​യാ​ൻ അ​ഭി​ഷി​ക്ത​നാ​യി.

കോ​ട്ട​യം / സി​എ​സ്ഐ മ​ധ്യ​കേ​ര​ള മ​ഹാ​യി​ട​വ​ക​യു​ടെ 13-ാമത് ബി​ഷ​പാ​യി റ​വ. ഡോ. ​സാ​ബു കെ. ​ചെ​റി​യാ​ൻ അ​ഭി​ഷി​ക്ത​നാ​യി. കോ​ട്ട​യം ചാ​ലു​കു​ന്ന് സി​എ​സ്ഐ ഹോ​ളി ട്രി​നി​റ്റി ക​ത്തീ​ഡ്ര​ലി​ൽ തിങ്കളാഴ്ച രാ​വി​ലെയാ​യി​രു​ന്നു സ്ഥാ​നാ​രോ​ഹ​ണ ശു​ശ്രൂ​ഷ. ശു​ശ്രൂ​ഷക്കിടെ റ​വ.​ഡോ.​സാ​ബു കെ. ​ചെ​റി​യാ​ന്‍റെ ശി​ര​സി​ൽ കൈ​വെ​ച്ച് ബി​ഷ​പ്പു​മാ​ർ പ​രി​ശു​ദ്ധാ​ത്മ അ​ഭി​ഷേ​ക​ത്തി​നാ​യി പ്രാ​ർ​ഥി​ച്ചുകൊണ്ടായിരുന്നു ശു​ശ്രൂ​ഷ പൂ​ർ​ത്തി​യാക്കുന്നത്.

റ​വ.​ഡോ.​സാ​ബു കെ. ​ചെ​റി​യാ​നെ ക​ത്തീ​ഡ്ര​ൽ ഹൗ​സി​ൽ​നി​ന്നും മ​റ്റു ബി​ഷ​പ്പു​മാ​രു​ടെ​യും സി​എ​സ്ഐ സി​ന​ഡ് ഭാ​ര​വാ​ഹി​ക​ളു​ടെ​യും വൈ​ദീ​ക​രു​ടെ​യും ഒ​പ്പം ദേ​വാ​ല​യ​ത്തി​ലേ​ക്ക് ആദ്യം ആ​ന​യി​ക്കുകയായിരുന്നു. ദേ​വാ​ല​യ​ത്തി​ലെ ശു​ദ്ധീ​ക​ര​ണ പ്രാ​ർ​ഥ​നാനന്തരം റ​വ.​ഡോ. സാ​ബു കെ. ​ചെ​റി​യാ​നെ മൂ​ന്നു പ​ട്ട​ക്കാ​ർ ചേ​ർ​ന്ന് സി​എ​സ്ഐ സ​ഭ​യു​ടെ പ​ര​മാ​ധ്യ​ക്ഷ​നാ​യ മോ​ഡ​റേ​റ്റ​ർ മുപാകെ ശു​ശ്രൂ​ഷ​യ്ക്കാ​യി എ​ത്തി​ക്കുകയായിരുന്നു.

ജ​ന​റ​ൽ സെ​ക്ര​ട്ട​റി തെ​ര​ഞ്ഞെ​ടു​പ്പി​ന്‍റെ​യും നി​യ​മ​ന​ത്തി​ന്‍റെ​യും പ്ര​മാ​ണം വാ​യി​ക്കു​ക​യും, ബി​ഷ​പ്പ് അ​ദ്ദേ​ഹ​ത്തെ ബി​ഷ​പ്പാ​യി സ്ഥാ​നാ​ഭി​ഷേ​കം ചെ​യ്യു​ന്ന​തി​ന് ജ​ന​ങ്ങ​ളോ​ട് സ​മ്മ​തം ചോ​ദി​ച്ച് മെ​ത്രാ​ഭി​ഷേ​ക ശു​ശ്രൂ​ഷ ന​ട​ത്തു​കയുമാണ് ഉണ്ടായത്. തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം​എ​ൽ​എ, ബി​ജെ​പി ജി​ല്ലാ പ്ര​സി​ഡ​ന്‍റ് നോ​ബി​ൾ മാ​ത്യു തു​ട​ങ്ങി​യ​വ​ർ ച​ട​ങ്ങി​ൽ മുഖ്യ അതിഥികളായി എത്തി.