ടോക്കിയോ ഒളിമ്പിക്‌സ്‌ : മിസോറാം, മണിപ്പൂര്‍ ഹോക്കി താരങ്ങള്‍ക്ക് ക്യാഷ് അവാര്‍ഡ് പ്രഖ്യാപിച്ചു
മിസോറാമിലെയും മണിപ്പൂരിലെയും സര്‍ക്കാരുകള്‍ വെങ്കല മെഡല്‍ പ്ലേ ഓഫില്‍ 3-4 ഗ്രേറ്റ് ബ്രിട്ടനോട് പോരാടിയ വനിതാ ഹോക്കി ടീമിലെ അംഗങ്ങളായ ലാല്‍റെംസിയാമി (മിസോറാം), സുശീല ചാനു (മണിപ്പൂര്‍) എന്നിവര്‍ക്ക് ക്യാഷ് അവാര്‍ഡും മറ്റ് പ്രോത്സാഹനങ്ങളും പ്രഖ്യാപിച്ചിട്ടുണ്ട്.
സംസ്ഥാനത്തെ ഹോക്കി താരം ലാല്‍റെംസിയാമിക്ക് സര്‍ക്കാര്‍ ജോലിയും ജന്മനാട്ടില്‍ പ്ലോട്ടും വാഗ്ദാനം ചെയ്യുമെന്ന് മിസോറാം മുഖ്യമന്ത്രി സോറംതംഗ പറഞ്ഞു. കുട്ടിക്കാലം മുതല്‍ തന്നെ തന്റെ മകള്‍ക്ക് ഹോക്കിയോട് അഗാധമായ സ്നേഹമുണ്ടായിരുന്നുവെന്നും അതിനാലാണ് മിസോറാമിലെ സ്പോര്‍ട്സ് അതോറിറ്റി ഓഫ് ഇന്ത്യ (സായ്) യിലെ ഉദ്യോഗസ്ഥര്‍ 7-8 വര്‍ഷം പരിശീലനം നല്‍കിയതെന്നും ലാല്‍റെംസിയാമി അമ്മ ലാല്‍സര്‍മവി പറഞ്ഞു.
മണിപ്പൂരില്‍ മുഖ്യമന്ത്രി എന്‍. ബിരേന്‍ സിംഗ് സുശീല ചാനു (29) യുമായി ഫോണില്‍ സംസാരിച്ചു താരത്തെയും വനിതാ ഹോക്കി ടീമിനെയും അഭിനന്ദിച്ചു. മണിപ്പൂരില്‍ നിന്നുള്ള ഹോക്കി താരങ്ങളുടെ പ്രയോജനത്തിനായി ലോജിസ്റ്റിക് സൗകര്യങ്ങളും ആസ്ട്രോടര്‍ഫും വികസിപ്പിക്കുമെന്ന് സുശീല ചാനുമായുള്ള സംഭാഷണത്തില്‍ മുഖ്യമന്ത്രി ഉറപ്പുനല്‍കിയതായി കായിക വകുപ്പിലെ ഒരു ഉദ്യോഗസ്ഥന്‍ പറഞ്ഞു.
