CrimeEditor's ChoiceKerala NewsLatest NewsLocal NewsNationalNews

ഖുർആൻ എത്തിച്ചതിന് കസ്റ്റംസ് കേസ് എടുത്തു, മന്ത്രി ജലീലിനെ ചോദ്യം ചെയ്തേക്കും

ന​യ​ത​ന്ത്ര ചാനൽ വഴി ഖുർആൻ എത്തിച്ച സംഭവത്തിൽ കസ്റ്റംസ് പ്രത്യേകം കേസെടുത്തു. സംഭവത്തിൽ മന്ത്രി കെ.ടി ജലീൽ ദേ​ശീ​യ അ​ന്വേ​ഷ​ണ ഏ​ജ​ൻ​സിയായ എ​ൻ.​ഐ.​എക്ക് നൽകിയ മൊഴി കസ്റ്റംസ് പരിശോധിച്ച ശേഷം, മന്ത്രി ജലീലിനെ കസ്റ്റംസ് ചോദ്യം ചെയ്യുമെന്നാണ് വിവരം.
മതഗ്രന്ഥം സംബന്ധിച്ച എണ്ണം, അയച്ചത് ആര്, എവിടെ വിതരണം ചെയ്തത്, തൂക്ക വ്യത്യാസം അടക്കമുള്ള കാര്യങ്ങൾ കസ്റ്റംസ് പരിശോധിക്കും എന്നാണ് റിപ്പോർട്ട്. ന​യ​ത​ന്ത്ര പാ​ർ​​സ​ലു​മാ​യി ബ​ന്ധ​പ്പെ​ട്ട പ്രോ​​ട്ടോ​കോ​ൾ ലം​ഘ​നം സം​ബ​ന്ധി​ച്ച കേ​സി​ൽ മ​ന്ത്രി ജ​ലീ​ലി​നെ എ​ൻ.​ഐ.​എ എ​ട്ടു​ മ​ണി​ക്കൂ​ർ ആണ് ഇന്നലെ ചോ​ദ്യം ചെയ്തത്. സ്വ​ർ​ണ​ക്ക​ട​ത്ത്​​ കേ​സ്​ പ്ര​തി സ്വ​പ്ന സു​രേ​ഷു​മാ​യി നി​ര​വ​ധി ത​വ​ണ ഫോ​ണി​ൽ ബ​ന്ധ​പ്പെ​ട്ട​തിന്‍റെ​യും പ്രോ​ട്ടോ​കോ​ൾ ലം​ഘി​ച്ച്​ ന​യ​ത​ന്ത്ര ചാ​ന​ൽ വ​ഴി മ​ത​ഗ്ര​ന്ഥം കൊ​ണ്ടു​വ​ന്ന​തിന്‍റെ​യും അ​ട​ക്കം വി​ശ​ദാം​ശ​ങ്ങ​ളി​ൽ ആരാഞ്ഞായിരുന്നു ചോ​ദ്യം ചെ​യ്യ​ൽ നടന്നത്. എ​ൻ​ഫോ​ഴ്സ്മെന്‍റ് ഡ​യ​റ​ക്ട​റേ​റ്റ് (ഇ.​ഡി) ചോ​ദ്യം ചെയ്തതിനു പിറകെയാണ് മന്ത്രിയെ എ​ൻ.​ഐ.​എ വി​ളി​പ്പി​ച്ച​ത്. സം​സ്ഥാ​ന ച​രി​ത്ര​ത്തി​ലാ​ദ്യ​മാ​യാ​ണ്​ ഒ​രു മ​ന്ത്രി​യെ എ​ൻ.​ഐ.​എ ചോ​ദ്യം ചെ​യ്​​ത​ത്. നേരത്തെ, എൻഫോഴ്സ്മെന്‍റ് ഡയറക്ടറേറ്റിന് മന്ത്രി ​ന​ൽ​കി​യ ​മൊ​ഴി​ക​ൾ പ​രി​ശോ​ധി​ച്ച​ ശേ​ഷ​മാ​യി​രു​ന്നു എ​ൻ.ഐ.​എയുടെ ചോ​ദ്യം ചെ​യ്യ​ൽ. 300 ഖു​ർ​ആ​നാ​ണ് വാ​ങ്ങി​യ​തെ​ന്നാ​ണ്​ ജ​ലീ​ൽ നേ​ര​ത്തേ പ​റ​ഞ്ഞി​രു​ന്ന​ത്. എ​ന്നാ​ൽ, ഏ​ക​ദേ​ശം 7500 ഖു​ർ​ആന്റെ ഭാരമുള്ള വസ്തുക്കളാണ് കൈമാറ്റം ചെയ്യപ്പെട്ടിരിക്കുന്നത്. ന​യ​ത​ന്ത്ര ചാ​ന​ൽ വ​ഴി സ്വ​ർ​ണം കൊ​ണ്ടു​വ​ന്ന​ത്​​ ജ​ലീ​ലി​ന് അ​റി​വു​ണ്ടാ​യി​രു​ന്നി​ല്ലെ​ന്നാ​ണ് എ​ൻ.​ഐ.​എ നേരത്തെ വി​ല​യി​രു​ത്തിയിരുന്നത്.

Show More

Related Articles

Leave a Reply

Your email address will not be published. Required fields are marked *

Back to top button