രാജ്യത്ത് സാധാരണ ട്രെയിന്‍ സർവീസുകൾ ഓഗസ്റ്റ് 12 ന് ശേഷം മാത്രം സർവീസ് നടത്താൻ തീരുമാനം. കോവിഡ് വ്യാപനത്തിന്‍റെ പശ്ചാത്തലത്തില്‍ ജൂണ്‍ ഒന്ന് മുതല്‍ ഓഗസ്റ്റ് 12 വരെ ബുക്ക് ചെയ്ത എല്ലാ ടിക്കറ്റുകളും റദ്ദാക്കാൻ റെയിൽവേ തീരുമാനിച്ചു. എന്നാല്‍ മെയ്, ജൂണ്‍ മാസങ്ങളില്‍ പ്രഖ്യാപിച്ച പ്രത്യേക ട്രെയിനുകള്‍ ഓടുമെന്നും റെയില്‍വെ അറിയിച്ചു. രാജധാനി, മെയില്‍ എക്സ്പ്രസ് ട്രെയിനുകളുടെ പ്രത്യേക സര്‍വീസുകള്‍ മാത്രമാണ് തുടരുക. ജൂണ്‍ 30 വരെ സാധാരണ സര്‍വീസുകള്‍ നിര്‍ത്തിവയ്ക്കാനായിരുന്നു നേരത്തെ തീരുമാനിച്ചിരുന്നത്.
കൊവിഡ് വ്യാപനം വര്‍ധിച്ച സാഹചര്യത്തിലാണ് പുതിയ തീരുമാനം.എല്ലാ യാത്രക്കാര്‍ക്കും തെര്‍മല്‍ സ്‌ക്രീനിംഗ് നടത്തണം. കൊവിഡ് രോഗലക്ഷണങ്ങളില്ലാത്തവരെ മാത്രമേ ട്രെയിനുകളില്‍ കയറാന്‍ അനുവദിക്കൂ. കൊവിഡ് പ്രോട്ടോകോളുകള്‍ പാലിക്കണമെന്നും റെയില്‍ വേ മാര്‍ഗനിര്‍ദേശം പുറപ്പെടുവിച്ചിരുന്നു.
Post Your Comments