ഫാഷന്‍ ഗോള്‍ഡ് തട്ടിപ്പ്; മുഴുവന്‍ ഡയറക്ടര്‍മാരെയും കേസില്‍ പ്രതിചേര്‍ക്കണമെന്ന് നിക്ഷേപകര്‍
ഫാഷന്‍ ഗോള്‍ഡ് തട്ടിപ്പ് കേസില്‍ മുഴുവന്‍ ഡയറക്ടര്‍മാരെയും പ്രതിചേര്‍ക്കണമെന്ന് നിക്ഷേപകര്‍. ഫാഷന്‍ ഗോള്‍ഡ് സ്ഥാപനങ്ങളുടെ പേരില്‍ കോടികള്‍ പിരിച്ചെടുത്തതിന് പിന്നില്‍ ഗൂഢാലോചന നടന്നിട്ടുണ്ടെന്നാണ് നിക്ഷേപകര്‍ ആരോപിക്കുന്നത്. ഇതും അന്വേഷണ വിധേയമാക്കണമെന്നാണ് ആവശ്യം.
അതേസമയം, പൂക്കോയ തങ്ങള്‍ക്കൊപ്പം കമറുദ്ദീനെ കൂടി ഇരുത്തി അന്വേഷണ സംഘം ചോദ്യം ചെയ്തു. നിക്ഷേപം സംബസിച്ച വിവരങ്ങള്‍ പുക്കോയ തങ്ങള്‍ തന്നില്‍ നിന്നും മറച്ചു വെച്ചിരുന്നതായാണ് എം.സി. കമറുദ്ദീന്‍്റെ ആരോപണം.
നിക്ഷേപകരുമായി ചര്‍ച്ച നടത്തി പ്രശ്നം പരിഹരിക്കാന്‍ പൂക്കോയ തങ്ങളുമായി ബന്ധപ്പെട്ടവര്‍ ശ്രമിക്കുന്നുണ്ട്. ഇതിന്‍്റെ ഭാഗമായാണ് പൂക്കോയ തങ്ങള്‍ കീഴടങ്ങിയതെന്നാണ് സൂചന. എന്നാല്‍ മൂന്ന് മാസം ജയിലില്‍ കിടന്നപ്പോള്‍ തിരിഞ്ഞ് നോക്കാതിരുന്നവര്‍ ഇപ്പോള്‍ പ്രശ്ന പരിഹാരത്തിന് ശ്രമിച്ചാല്‍ സഹകരിക്കേണ്ടതില്ലെന്ന നിലപാടിലാണ് എം.സി കമറുദ്ദീന്‍.
