സി​എ​ജി റിപ്പോർട്ട് പുറത്ത് വിട്ടതിനെ ന്യായീകരിച്ച് മന്ത്രി തോമസ് ഐസക്, പു​റ​ത്തു​വി​ട്ട​ത് ബോ​ധ​പൂ​ർ​വ​മാ​ണെന്ന് വിശദീകരണം, അസാധാരണ സംഭവം.

തി​രു​വ​ന​ന്ത​പു​രം / നിയമസഭയിൽ വെക്കും മുൻപ് സി​എ​ജി റിപ്പോർട്ട് പുറത്ത് വിട്ടതിനെ ന്യായീകരിച്ചുകൊണ്ട് മന്ത്രി തോമസ് ഐസക്. റി​പ്പോ​ർ​ട്ടി​ലെ വി​വി​ര​ങ്ങ​ൾ പു​റ​ത്തു​വി​ട്ട​ത് ബോ​ധ​പൂ​ർ​വ​മാ​ണെന്ന് പറയുന്ന തോമസ് ഐസക്, വി​വാ​ദ​ത്തി​ൽ ച​ട്ട​ലം​ഘ​നം ന​ട​ത്തി​യി​ട്ടി​ല്ലെ​ന്നും നി​യ​മ​സ​ഭാ എ​ത്തി​ക്സ് ക​മ്മി​റ്റി​ക്ക് മു​ന്നി​ൽ പറയുകയുണ്ടായി. ജ​ന​ങ്ങ​ൾ അ​റി​യ​ട്ടെ എ​ന്നാ​ണ് താ​ൻ ക​രു​തി​യ​തെ​ന്നാ​ണ് മ​ന്ത്രി ചട്ടം ലംഘിച്ചുകൊണ്ട് നടത്തിയ നടപടിക്ക് നൽകിയിട്ടുള്ള അ​വ​കാ​ശ​വാ​ദം. വി​ഷ​യ​ത്തി​ൽ എ​ത്തി​ക്സ് ക​മ്മി​റ്റി എ​ന്ത് തീ​രു​മാ​ന​മെ​ടു​ത്താ​ലും അം​ഗീ​ക​രി​ക്കു​മെ​ന്നും ക​മ്മി​റ്റി​ക്ക് മു​ന്നി​ൽ വി​ശ​ദീ​ക​ര​ണം ന​ൽ​കി​യ​ത് നാ​ണ​ക്കേ​ടാ​യി ക​രു​തു​ന്നി​ല്ലെ​ന്നും തോ​മ​സ് ഐ​സ​ക് കമ്മറ്റിക്ക് മുൻപാകെ പറയുകയുണ്ടായി. വി.​ഡി.​സ​തീ​ശ​ൻ എം​എ​ൽ​എ ന​ൽ​കി​യ അ​വ​കാ​ശ​ലം​ഘ​ന നോ​ട്ടീ​സി​ലാ​ണ് മ​ന്ത്രി​യോ​ട് ഹാ​ജ​രാ​യി വി​ശ​ദീ​ക​ര​ണം ന​ൽ​കാ​ൻ എ​ത്തി​ക്സ് ക​മ്മി​റ്റി നി​ർ​ദ്ദേ​ശിച്ചിരുന്നത്. മ​ന്ത്രി​ക്കെ​തി​രേ ഉ​യ​ർ​ന്ന അ​വ​കാ​ശ​ലം​ഘ​ന പ​രാ​തി എ​ത്തി​ക്സ് ക​മ്മി​റ്റി മു​ൻ​പാ​കെ എ​ത്തു​ന്ന ആ​ദ്യ​ത്തെ സംഭവമാണ് കേരളത്തിൽ നടന്നിരിക്കുന്നത്. മാത്രമല്ല, സംസ്ഥാന മന്ത്രി സഭയിലെ ഒരു മന്ത്രി തന്നെ സിഎജി റിപ്പോർട്ട് സഭയിൽ വെക്കും മുൻപ് വെളിപ്പെടുത്തുകയും അതിനെ ന്യായീകരിക്കുകയും ചെയ്യുന്ന അസാധാരണമായ സംഭവം ആണ് ഉണ്ടായിരിക്കുന്നത്.