Kerala NewsLatest News
രവി പൂജാരിയെ ഇന്ന് ഭീകര വിരുദ്ധ സ്‌ക്വാഡ് ചോദ്യം ചെയ്യും
കൊച്ചി | കൊച്ചി ബ്യൂട്ടി പാര്‍ലര്‍ വെടിവെപ്പ് കേസില്‍ അധോലോക കുറ്റവാളി രവി പൂജാരിയെ ഭീകര വിരുദ്ധ സ്‌ക്വാഡ് ഇന്ന് വിശദമായി ചോദ്യം ചെയ്യും. ഇന്നലെ രാത്രി ഒമ്ബതോടെയാണ് രവി പൂജാരിയെ കേരളത്തിലെത്തിച്ചത്.
കോടതിയില്‍ ഹാജരാക്കിയ ശേഷമായിരിക്കും ചോദ്യം ചെയ്യല്‍. വീഡിയോ കോണ്‍ഫറന്‍സിലൂടെ ഹാജരാക്കാനാണ് സാധ്യത. ഇപ്പോള്‍ നെടുമ്ബാശ്ശേരി പോലിസ് സ്റ്റേഷനിലെ ലോക്കപ്പിലാണ് രവി പൂജാരിയെ പാര്‍പ്പിച്ചിരിക്കുന്നത്.
2018 ഡിസംബര്‍ 15 നാണ് കൊച്ചി കടവന്ത്രയില്‍ നടി ലീന മരിയ പോളിന്റെ ബ്യൂട്ടി പാര്‍ലറില്‍ വെടിവെപ്പുണ്ടായത്. സെനഗളില്‍ നിന്നുമാണ് രവി പൂജാരി അറസ്റ്റിലായത്.
