സെക്രട്ടേറിയറ്റിലെ തീപിടിത്തം ഷോർട്ട് സർക്യൂട്ട് അല്ലെന്ന് ഫോറൻസിക്

തിരുവനന്തപുരം: സെക്രട്ടേറിയറ്റിൽ ആഗസ്​റ്റ്​ 25നുണ്ടായ തീപിടിത്തത്തിന്​ കാരണം ഷോർട്ട് സർക്യൂ​ട്ടല്ലെന്ന്​ ഫോറൻസിക് റിപ്പോർട്ട്. ഫയലുകൾ മാത്രമാണ് കത്തിയതെന്നും സാനിറ്റൈസർ കത്തിയില്ലെന്നും തിരുവനന്തപുരം ജുഡീഷ്യൽ മജിസ്ട്രേറ്റ് കോടതിയിൽ സമർപ്പിച്ച റിപ്പോർട്ടിൽ പറയുന്നു. തീപിടിത്തത്തിന് കാരണം ഷോർട്ട് സർക്യൂട്ട് ആണെന്നായിരുന്നു ചീഫ് സെക്രട്ടറി നിയോ​ഗിച്ച വിദ​ഗ്ധ സമിതി കണ്ടെത്തിയത്. ഇതാണ് സർക്കാരും ആവർത്തിച്ചിരുന്നത്. ഇതിനെ പാടെ തളളുന്നതാണ് പൊലീസ് അന്വേഷണത്തിന്റെ ഭാ​ഗമായി നടത്തിയ ഫോറൻസിക് റിപ്പോർട്ടിലെ വിവരങ്ങൾ.

തിരുവനന്തപുരം ജുഡീഷ്യൽ മജിസ്‌ട്രേറ്റ് കോടതി മുമ്പാ കെയാണ്​ റിപ്പോർട്ട്​ സമർപ്പിച്ചത്​.സെ​ക്ര​ട്ടേ​റി​യ​റ്റി​ലു​ണ്ടാ​യ തീ​പി​ടി​ത്ത​ത്തി​ൽ 25ഓളം ഫ​യ​ലു​ക​ൾ ഭാ​ഗി​ക​മാ​യി ക​ത്തി​യെ​ന്നാണ്​​ സ​ർ​ക്കാ​ർ നി​യോ​ഗി​ച്ച ദു​ര​ന്ത​നി​വാ​ര​ണ ക​മീ​ഷ​ണ​ർ ഡോ.​എ. കൗ​ശി​ഗ​ന്റെ നേ​തൃ​ത്വ​ത്തി​ലെ നാ​ലം​ഗ​സ​മി​തി ന​ട​ത്തി​യ തെ​ളി​വെ​ടു​പ്പി​ൽ വ്യക്​തമാക്കിയിരുന്നത്​.തീപടിത്തം നടന്ന മുറിയിലെ 24 വസ്തുക്കൾ പരിശോധിച്ചാണ് ഫോറൻസിക്​ റിപ്പോർട്ട് തയാറാക്കിയത്. ഈ സാമ്പിളുകളിൽ തീപിടിത്തം ഷോർട്ട് സർക്യൂട്ട് മൂലമാണെന്നതിന് തെളിവുകൾ കണ്ടെത്താനായിട്ടില്ല എന്നാണ്​ വിവരം.

സെക്രട്ടേറിയറ്റിലുണ്ടായ തീപിടിത്തം ഏറെ വിവാദങ്ങൾക്ക്​ വഴിവെച്ചിരുന്നു. തുടർന്ന്​ രണ്ട് അന്വേഷണ സംഘങ്ങളെ സർക്കാർ നിയോഗിച്ചു. പൊലീസ് അന്വേഷണവും ചീഫ് സെക്രട്ടറി നിയോഗിച്ച വിദഗ്ധ സമിതി അന്വേഷണവും.